AS Roma manager Jose Mourinho chuan Serie A lama a kir leh hnuin, Juventus superstar Cristiano Ronaldo chu thu a thawn a, Italy chhuahsan nghal turin a hrilh.
Jose Mourinho hian 2009/2012 season khan Inter Milan chu a treble pui a, Inter a chhuahsan hnuah, a vawikhatna atan Italian Top fligt-ah a kir leh a ni.
Portuguese coach Mourinho hian Real Madrid lama a enkawl tawh C Ronaldo chu hmuh a tum niin report in an tarlang. C Ronaldo hi Paris Saint-Germain leh Manchester United nena sawi zawm mek anni.
“Thlamuang taka ka awm theihna turin, C Ronaldo hian Italy a chhuahsan a tul a ni.” tiin AS Roma boss thar Jose Mourinho chuan talkSPORT interview an neihnaah fiamthu in a sawi.
“Mi zawng zawngina an sawi angin keipawhin ka sawi, tunah chuan kum 25 vel a ni tawh lo. Kum 36 a ni a, goal 50 a khung thei tawh lovang. Mahse, mi tamtak chuan a la khung theih an ring tlat. Record neih te hi a tha em em a, number te hi anmahni in an lo tawngchhuak leh thin.” tiin a sawi bawk.
A player hlui C ROnaldo chungchang an zawhna chhangin, “Tunah chuan record a awm tawh a, tuna Euro hi chu a khel duh tawh lo maithei, mahse, World Cup erawh a khelh duh ngei ka ring.”
“Legend a ni a, football history-ah chatuana an sawi tawh tur hming pakhat a ni. Thil thar leh record thar te hian chakna, phurna a pek belh thin.”
“Gold ball vawi 10 lai dawn a duh, chutiang bawkin golden boot vawi 10 dawn a duh. Iran player khumin record thar a duh, ram tana goal khung tam ber-ah hnehna chan ngei a duh a ni.” tiin Jose Mourinho chuan a player hlui C Ronaldo chungchang a sawi.
Source SL