Al Nassr striker Cristiano Ronaldo chu 2023 a infiammi sum lalut hnem ber niin 2017 hnua he dinhmun an luah leh hmasak ber tum a ni. Kumkhat chhunga infiammi sum lalut hnem bera Forbes in a tarlan ah Ronaldo hming vawi 3 lai a lang tawh a, a record ropui avang hian Guinness World record title a hlawhchhuak leh hial!
Forbes chuan infiamna hrang hranga season an neih dan tlangpui (April – May) thla chhunga infiammi sum lalut hnem ber ah Cristiano Ronaldo an puang a, Ronaldo hian thla 12 liamta chhung khan £107.5 million vel a hailut nia chhut a ni.
Messi chu 2022 a infiammi sum lalut hnem berah Forbes chuan a lo puang tawh a, Argentine captain hian nikum khan £103 million vel a lalut.
Kumina infiammi sum lalut hnem ber Ronaldo hian thla 12 liamta chhung khan inkhelh mual atangin £35 million vel a lalut a, pawn lam atangin £68.5 million vel a lalut bawk.
Ronaldo hian Manchester United nen an inthathen hnuin Al Nassr a zawm a, Saudi Arabian club tan hian contract pui tak ziakin sum pawh a hailut tam narawh.
A inkhelhna atangin sum thahnem tak hailut mahse mual pawn lam atangin sum tam zawk a hailut a, Nike nen damchhung daih tur contract an neih bakah a hminga branded product hrang hrang an hralhna atangin sum tam fe a hailut bawk.
Forbes in 2023 a infiammi sum hailut tam zual top 3 a tarlan te hi footballer vek anni. Lionel Messi leh Kylian Mbappe te chu Cristiano Ronaldo hnuai chiaha awm te anni a, Messi hian £99 million lalut in inkhelh mual atanga £49.5 million a lâkluh bakah pawn lam atangin £49.5 million vel tho a lalut bawk nia chhut a ni.
Pathumna a awm Kylian Mbappe hian £91 million a lalut ang chhut niin a inkhelhna atangin £76 million vel a lalut hem mai! France forward hian season hmasa nipui bazar lai kan PSG ah contract thar a ziak a, kartin £10,000,000 a hlawh nia report a ni.
Basketball star LeBron James chu infiammi zînga sum lalut hnem ber palina a ni a, American professional basketballer hian £90 million lalut in inkhelh mual atanga £34 million dawn anih bakah pawn lam atangin £56 million aia tlem hret a ni bawk.
Panga-na ah hian Mexico professional boxer Canelo Alvarez a awm a, Canelo hian thla 12 liamta chhung khan £84 million vel a lalut a, boxing ring chhung atangin £76 million lawih a lalut nia chhut a ni.
A hnuaiah hian 2023 a infiammi sum lalut hnem zual top 10 Forbes an a tarlan te;
