Premiere League footballer hlui pakhat chuan Manchester United atang chanhin tamtak a rawn chhuah thin thu leh, tun tumah pawh Cristiano Ronaldo hlim loh chungchang a rawn sawi chhuak ve leh a ni.
Kan hriat angin Red Devils lama a kir leh hnu hian match 9 a khelh tawh atangin goal 6 lai a khung tawh a, England lama reports thenkhatte tarlan dan chuan United camp hi an tha lo tak zet niin an tarlang a, a bik takin tun hnaia an chet chhiat vang niin a lang.
An sawi dan chuan Ronaldo hian Man United midfielder te duh tawk vak lo niin an sawi, Everton nen 1-1 a an indraw tum pawh khan a hmuh theih, C Ronaldo chuan a thinrimna a ti lang a, thinrim takin Old Trafford tunnel lam a pan a nghal a nih kha.
International break an neih hnu lawk khan Leicester City lakah 4-2 lai maiin an tlawm leh a, Cristiano Ronaldo hian a teammate te atangin puihna a hmu vak lo niin zawhna a tam hle.
Paul Robinson, Tottenham Hotspur leh England goalkeeper hlui chuan United camp chu a hlim lo niin a sawi a, English champions vawi 20 lo ni tawh United atang hian mood on tak hmuh tur a awm vak lo niin a ngai.
“Camp hlim tak ang an ni lo.” tiin Paul Robinson chuan a sawi niin Daiyly Express lamin an tarlang.
“Sir Alex Ferguson hunlai kha chuan Old Trafford atang hian chanchin tha lo a chhuak khat hle, dressing room hlimawm tak leh club inpumkhat tak anni thin.”
“Kha tih lai khan, dressing room leh training naah te khan inhnial kalhna tamtak a awm ve fo mai, mahse, media lamah a darh khat hle. mahse, a tawpah Chanchin pakhat emaw pahnih vel chu a darh ve maithei.”
“Alex Ferguson’an United a enkawl tawh loh hnu hian, chanchin tamtak a rawn chhuak duh khawp mai. Cristiano Ronaldo a hlim lo tih kan hria a, tunah pawh Rashford a hlim lo tih kan hre leh bawk. Camp hlimawm tak a ni lo tih chiang takin a hmuh theih. Dik taka an siamrem thuai a ngai dawn a ni.” tiin Robinson chuan a sawi.
Source Sl