Cr7 leh Messi kianga khel ve ve Carlos Tevez-an eng thu nge a sawi ve tak le?

Argentina player ropui Carlos Tevez chuan Cristiano Ronaldo leh Lionel Messi kianga a khelh chungchang a sawi. Kum 37 a upa Tevez hi tunlai football legend pahnih kianga a khel ve ve theih avangin player vannei ber pakhat a ni.

Manchester United lamah khan C Ronaldo kiangah khelin, Premiere League club lian Manchester United lamah kum 2 chhung hun a hmang hman a ni, West Ham United atang Old Trafford hi a zawm.

Old Trafford lamah kum 2 a awm chhung hian Premiere League nomawi 2, UEFA Champions League nomawi leh League cup pakhat ve ve a chawi hman bawk.

Chutiang bawkin Messi leh Tevez hi Argentina tan vawi tamtak an lo fehchhuak tawh a. Argentina tan Man United leh Man City star hlui Carlos Tevez hian match 76 lai a inlan tling a, goal 13 a khung a ni.

ESPN lamin Tevez hnenah legend pahnih kianga a khelh chungchang zawhna annei a, ani chuan ti hian a sawi, “Player ropui tak pahnih anni. An kianga khelh chu nuam ka ti ve ve, an hnen atang thil tamtak ka zir belh bawk. Annih pahnih hi player tha filawr hlak anni.” tiin a sawi.

“Cristiano Ronaldo nen nitin mai hian kan cheng dun a, chutiang bawkin Messi nen pawh national team lamah kan inpawh hle. Planet dang atanga rawn kal anni. Tunlai football-ah pawh an la sang hle, hei hi thil harsatak a ni a. Zah an phu tak zet a ni.”

Source K

Related Posts

error: Content is protected !!