Coronavirus: Juventus Star Pakhat Nih Coronavirus Zawtnak A Ngei Cang, C Ronado le Team Hna caah Tih nung asi

Juventus star Daniele Rugani cu test an ngeihnakin Coronavirus an ngei timi khan an thei. Professiona football players minthang in coronavirus kai hmasa bik pahnihnak asi tiah an phuan.

Nithumni (Wednesday) ah khan Italian club ngan Juventus lei nih cun an defender Daniele Rugani nih test a ngeihnak in covid-19 zawtnak a ngeihnak kong an phuan. “Footballer, Daniele Rugani nih coronavirus-COVID-19 test a neih nakin zawtnak (virus) hmuh asi. Atu hi zawtnak a ngeihmi a langh cuahmah lio asi” tiah rel khawh dingin official statement an chuah.

Advertisement

“Juventus football club cu atu ah hin ‘law’ ning tein kan kal cuahmah lio asi. Rugani hawikom le amah naitu hna dothlatnak kan ngei cuahmah lio asi” tiah an ttial chap.

Rugani footbaler minthang in coronavirus zawtnak ngei hmasa bik pakhat asi. Bundesliga 2 cub Hannover playerTimo Hubers zong naite ah coronavirus zawtnak a ngei tiah an fehter cang. Timo Hurbers hi footbalers in coronavirus zawtnak ngei hmasa bik asi.

Advertisement

Juventus nih Inter Milan 2-0 i an tei lio ah khan Daniele Rugan cu subsitute-ah a um, nain mah lio ah khan chuihter asi lo.

Advertisement

Juvetnus superstar Cristiano Ronado zong aluancia zarh ah khan a hringtu nu stroke ruang ah Portugal lei ah a kal i, atu zong Portugal lei ah a um rih ko tiah an fehter. Covid-19 zawtnak ngeitu Juventus defender ruang ah Juventus players cheu khat zong an i fiang ti lo, nain atuah cun zeihmanh a fiangmi thil a um rih lo.

Thei bantukin Italy lei ah hin coronvirus a tam ngai, Serie A lei zong nih puai tampi an suspend cang. UEFA Champions League round of 16, second leg Juventus vs Olympique Lyon chuih dingmi zong Virus ruang ah hmaizarh lei ah an chuih lai.

Tulio coronavirus ruang ah vawlei cung an buai dih cang i, harnak tampi a tlung cang. Mah he pehtlaiin Sports lei zong a buaiter ngai ko hi.

Advertisement
Advertisement

Next Post

Thla 12 Liamtaah Khan Mason Greenwood Chuan United Tan Champions League Player Naupang Ber Ni Turin A Khel a, Kha Tih Lai Khan A Kawr Hak Tur Print Sak A Ni lo

Thu Mar 12 , 2020
March ni 6, 2019 khan United striker Mason Greenwood chuan Manchester United tan a game hmasa ber a khel a, […]