Coronavirus COVID-19 vangin ṭhulh

Khawvel hmun hrang hranga Novel Coronavirus Disease (COVID-19) lêng mek vanga sorkarin ngenna a siam angin, kohhran, political party leh pawl ṭhenkhatte chuan an hun hman tur an ṭhulh.

Zoram Peoples Movement (ZPM) chuan March thla chhunga Champhai, Mamit, Khawzawl leh Saitual district a campaign neih an tum chu Mizoram sorkarin COVID-19 laka Mizoram venhimna atan puipunna lam chi pumpelh tura sorkar, NGO leh kohhrante a ngen angin an ṭhulh tih an puang. Rorel lai MNF party pawhin an programme-te an ṭhulh rih bawk.

Advertisement

COVID-19 vanga Central YMA-in puipunna lam chi huaihawt lo tura thuchhuah a siam angin YMA branch leh group hrang hrangte chuan mipui pun khawmna tur programme an duante an ṭhulh rih hlawm a; kohhran ṭhenkhat pawhin inkhawm pangngai bak chu programme dang siam rih lo turin an inngen.

Advertisement

Advertisement

Next Post

World Record Thar Siamtu AC Milan Star Hlui Keisuke Honda

Tue Mar 17 , 2020
AC Mian star hui Keisuke Honda chuan record bu-ah a hming a ziak thar. AC Milan star hlui Keisuke Honda […]