Site icon HUAPZAU FOOTBALL

Copa America 2021 a Player che tha zual 5

UEFA Euro 2020 hian entu leh ngainatu a ngah zawk maithei, Mizoramah pawh hian Copa America aiin Euro 2020 kan en tam zawk a rinawm. Mahse, Copa America 2021 pawh in entu te tan hmuhnawm tak tak a chhawp chhuak nual.

Copa America-ah hian footballer tha Lionel Messi leh Neymar leh midang te pawh an khel nual a, team che tha tak tak an awm bawk. Tun tumah hian Copa America 2021 a player che tha zual 5 te kan rawn tarlang ve leh dawn a ni.

Copa America 2021 khelh tawh china player che tha zual 5 te:

5 Casemiro (Brazil)

Casemiro hi Football khawvela defensive midfielder tha ber pakhat a ni. Copa America 2021 game Brazil leh Venezuela khelhah khan a that zia leh world class a nih zia a pholang.

Kum 29 a upa hian Lyon star Lucas Paqueta leh Manchester United star Fred te nen Midifield-ah an awm hova, a defensive tha hle. Venezuela nen an khelh tumah khan Fred pawh a che tha hle.

4 Eduardo Vargas (Chile)

Eduardo Vargas hi international levela player che tha tak pakhat a ni. Club hrang hrangah a khel kual nasa a, Napoli, Gremio, Valencia, Queens Park Rangers leh Hoffeinhem-ah te a khel kual a ni. Chile tan tun Copa America 2021 ah pawh hian a che tha hle.

Copa America 2021 khelh mekah goal 2 khung in Neymar, Angel Romero te nen top scorer anni mek.

3 Angel Romero (Paraguay)

Angel Romero hi kan hre lar vak lo maithei, mahse, Copa America 2021 ah hian a ram tan a che tha hle.

Cerro Porteno atangin career bul a tan a, Corinthians lamah a hlawhtling viau bawk, tunah hian Argentina club San Lorenzo tan a khel mek a ni. Copa 2021 khelh mekah Paraguay best player a ni mek.

Eduardo Vargas leh Neymar te zawmin top scorer a ni mek bawk.

2 Lionel Messi (Argentina)

Tun tum Copa America chu Argentina hi an che tha ang reng hle, game 3 an khelh tawh atangin vawi 2 hnehna an chang tawh.

Captain ber Lionel Messi pawh a che tha leh hle. Chile nen an khelh tum khan free kick mawi tak a pet goal Uruguay nen an khelh tuma Guido Rodriguez goal khung kha ama siam a ni.

Tun tumah hian Argentina chu Major Trophy a chawi pui thei ang em? I thlir zel phawt ang.

1 Neymar (Brazil)

Copa America 2021 a team che tha ber chu Brazil ti ila kan sawi sual awm love, game 2 an khelh tawh atangin goal 7 lai an khung tawh a, goal khat mah an la chhuah lo.

Brazil player zinga che tha ber a ni a, Venezuela nen an khelh tum khan second half ah penalty a pet goal. 4-0 lai maia Peru an hneh tum pawh khan second half ah goal a khung leh bawk. Brazil tan chuan attacker pawimawh tak a ni.

Source SL

Exit mobile version