Tottenham Hotspur manager Antonio Conte chuan South Korean forward Son Heung Min an ngai a awh leh theihnan chawlh hahdam a mamawh niin a ngai.

Spurs a season 7 hmang tawh tu Son hian season tin game 40 emaw a aia tam a inlan ziah a, a season khatna tih loh chu game 30 emaw a aia tam ah inkhelh bul a tan ziah bawk.

Tun season ah Son hian game 7 khel tawh in inkhelh bul a la tan vek a, season hmasa a Premier League top scorer hian goal erawh a la khung lo! assist vawi 1 a nei tih mai chauh a ni.

Spurs in zanin dar 10:15 ah Sporting CP an hmachhawn hunah Conte an a forward Son hi bench ah a thuttir hmel a, a aia Champions League game hmasa a goal hnih khungtu Richarlison a chhawr a rinawm.

”Man City kha hmachhawn thei dawn ni ila chuan dan pangngai ang in ka rem ang, mahse tunah erawh ngaihdan thar ka nei. Ngai awh tur leh tuna aia tha zawka khel tur chu kan rilru leh taksa hahdam tir a ngai a, chu chuan mithar ah min siam in rilru fim nen game kan hmachhawn theih phah thin” tiin Conte an a hming hmer in sawi lo mahse tun hnaia che tha lem lo Son hahdamtir a tum.

Spurs boss chuan sawi chhunzawmin”Player zawng zawng te hian kan ruahmanna ah starting XI thlak kual chan a awm dawn tih hi an pawm a ngai. Hmatawngah player pali tha tak tak chhawr tur kan nei a, a tu in nge bench luahlum ang tih hi thutlukna siam harsa tak a ni. Team tana thutlukna tha ber siam ka duh a, a chang chuan player thenkhat te hian minute 20/30 vel bak khelh an mamawh loh chan a awm thin” a ti.

error: Content is protected !!