Juventus superstar Cristiano Ronaldo hmalam hun a chiang tawh lo hle a, report thar berin a tarlan dan chuan, a agent leh club pathum te an inbia niin an tarlang, club 3 te hi tu te nge an nih?
Kum 36 a upa C Ronaldo hi a mimal tak chuan Italy lamah season duhawm tak a hmang a, mahse, Juventus chu UEFA Champions League khelh pui thei dawn mahse, Juve chhuahsan thut thei dinhmunah a ding mek.
Sum lamah Juventus dinhmun a that vak loh avangin, duhthlan tur nei lovin an chhuak thut thei bawk. Board lamin a hmain C Ronaldo chungchangah thutlukna lo siam tawh mahse, transfer window lo awm turah hralh chhuak ngei an tum niin report in an tarlang.
ESPN in an tarlan dan chuan, C Ronaldo hian Serie A lama a hmalam hun tur thutawp ala siam rih lo niin an tarlang a, hetihlai hian a agent chuan Ronaldo club hlui Real Madrid leh Manchester United te a biak mai bakah Paris Saint-Germain pawh a be tel niin an tarlang bawk.
C Ronaldo’an Juventus a chhuahsan dawn tih chu sawi a la tam hle. Mahse, C Ronaldo kum khat hlawh (annual salary) hi €31 million lai a ni, hei hi amah duhtu club te tan harsatna a ni ngei ang.
Tunah rih chuan EURO 2020 khel turin an rilru zawng zawng an seng rih a, C Ronaldo pawhin record thar siam belh ngei a tum dawn. Tuna an tihtur pawimawh tak chu EURO nomawi hum hi a ni.
Source SL