“Club nena trophies chawi hi ka duh” tiin Bruno Fernandes chuan Man Utd in Champions League nomawi an chawi theih thu a sawi

Bruno Fernandes’an kum 2020 a Manchester United a zawm atang United player tha ber pakhat a ni tih chu hai rual a ni lo. Amaherawhchu, Portuguese midfielder hian Red Devils chu eng nomawi mah ala chawi pui rih lova, season hmasa khan a chawi pui teuh hle. UEFA Europa League final-ah Villarreal an hneh lo a ni.

Manchester United v West Ham United - Premier League

Manchester United lamah season 2 a hman zawh tawh chungchang club website in an kawm a, Bruno Fernandes chuan club chu trophies chawi pui a duh thu a sawi.

“Ka thil tum chu ala pangai reng. He club tan hian trophies chawi ngei ka duh. Hei hi he club lama ka awm tawpna ni ber thleng pawhin ka ngaihtuah reng tur chu a ni. Engtikah nge ka chawi dawn erawh ka hre lova, he club tan hian nomawi ka chawi thei a ni tih hi ka ring tlat, a chhan chu kan thei a, he club hian a phu a, fans leh player pawhin an phu a ni, nomawi chawi hi kan phu tak zet.” tiin a sawi.

Bruno Fernandes chuan Manchester United in tun season Premiere League-a champion theihna chance an neih tlem tawh thu a sawi a, tunah hian palina dinhmun hauhvin, hmahruaitu Manchester City chu point 19 lai maiin an la phak lo. Mahse, Bruno Fernandes chuan UEFA Champions League emaw FA Cup nomawi chei theihnaah hei hian a dal loh thu a sawi a, Premiere League top 4 a finish pawh pawi a ti vak lo niin a lang.

“Tun dinhmunah rih chuan league hi chu kan tan a hla deuh hlek tawh. Chuvang chuan season thar UEFA Champions League an khelh theihna turin kan beih a ngai a, top 4 talah kan awm a ngai a ni. Tunah hian UEFA Champions League leh FA Cup nomawi chawi thei turin kan beih a ngai. Mi ten CHampions League emaw FA Cup kan chawi tur leh chawi loh tur chungchang an sawi hi ka care lem lo. Hnehna chang thei turin chance kan nei a, quality kan nei tha bawk. Hnehna kan chan ngei kan ring a ni.” tiin a sawi.

Source SL

Related Posts

error: Content is protected !!