Liverpool winger Xherdan Shaqiri chuan Liverpool hnenah summer transfer hian club chhuahsan a duh thu a hrilh niin report in an tarlang.
Tun hnaiah Kum 29 a upa Xherdan Shaqiri hi Jurgen Klopp hnuaiah a inlan tam lo hle a, 2021/22 season ah chuan club chhuahsan tur anga sawi a ni.
Interview hnuhnung ber an neih pui naah Bayern Munich leh Stoke City player hlui Shaqiri chuan a hmalam hun tur chungchang sawiin, club hnenah hralh chhuak turin a hrilh niin a sawi.
“Chona thar dang hmachhawn ka duh deuh tawh thu Liverpool board ka hrilh” tiin Shaqiri chuan a sawi niin CorSport in an tarlang.
“Ka duhna te min pawmpui a, tunah chuan tlemin hralh tumna min nei tawh a, Liverpool hian tun summer ah min dang dawn lo a ni.”
“Italy lama kir leh chu ka duh hle a, Lazio tana khelh chu ka duh a ni.” Tiin a sawi bawk.
Swiss international Xherdan Shaqiri hian kum 2018 khan Anfield a pan a, Liverpool tan match 63 inlan tlingin, goal 8 chiah a khung thung. Reds chu Premiere League leh UEFA Champions League nomawi a chawi pui bawk.
SOurce SL