Manchester City chuan Bayern Munich lamah an defender Kyle Walker an chân anih chuan an defender chânna club defender Benjamin Pavard lâkluh an tum dawn.
Kum 33 a upa Walker hi Bayern Munich nen mimal thilah inremna an nei fel tawh niin Athletic chuan a tarlang a, English full back manah hian City leh Bayern te chu £15 million velin an inrem hnai nia sawi a ni bawk.
Pep Guardiola team hian kum 6 chhunga an defender rinrawl Walker an chân anih chuan Bayern Munich defender kum 27 a upa Pavard chu Walker thlâktu tura lakluh an tum tur thu Fabrizio Romano chuan a tarlang.
City hian Pavard chu mimal thilah inremna an neihfel pui thuai in a rinawm a, Bayern lam pawh hian an defender club a season khat bak contract nei tawh lo leh contract thar ziah tum lo hi kumin nipui bazarah hralhchhuah an pawi tilo.
2018 World Cup winner Pavard hian season hmasa khan Bavarians tan inelna hrang hrangah game 43 a inlan a, league match 26 ah inkhelh bul a tan bawk. Pavard hi right back bakah centre back a khel kawp thei a ni a, Pep Guardiola system ah a chhawrtlâk viau in a rinawm.
Pavard ang tho in Walker pawh hian Etihad Stadium ah season khat bak contract a nei tawh lova, contract thar ziak turin City lam chuan thlem mahse Spurs defender hlui hian Etihad ah contract pawhsei tumna a nei lem lo.
Walker hian City tana a trophy chawi theih tur zawng zawng a chawi kim tawh a, chona thar hmachhawn tura club dang zawm a duh pawh hi thil mak a ni hran lo.
Chelsea boss hlui tuna Bayern head coach ni mêk Thomas Tuchel chuan Walker hi a duh em em a, Chelsea a enkawl lai atanga tawh a a player awh a ni. Tuchel hian season tharah a player duh tak Walker hi a chhawr thei tawh dawn niin a lang.
