CIES in a tarlan danin, Khawvel U-20 Player hlu zual Top 5 te

Kum tlemte liamta atang khan footballers te hlutna a sang chho hle a. Hetihlai hian U-20 player hlutna te pawh a rawn thang chho viau.

CIES football observatory chuan player te chet dan leh accuracy atang an hlutna an pholang a. Tun tumah hian kum 20 emaw a aia naupang footballer 5 hlu zual te kan rawn tarlang ve leh dawn a ni.

5 Bukayo Saka – €103 Million

Bukayo Saka has been great for Arsenal

Tun hnaiah Arsenal hi duh angin che tha vak lo mahse, an player thenkhatte erawh an mahni tawkah chuan an che tha viau mai. Player che tha zingah Bukayo Saka pawh hi a tel ve a ni.

Bukayo Saka hi kum 20 a upa chauh ala ni a, mahse, Emirates lamah regular taka game khel pakhat a ni. Euro 2021 ah pawh khan England tan koh a ni, mahse, final ah penaly a pet goal lo hlauh mai.

A chet that em avangin season hmasa khan Arsenal chuan contract thar an pawhsei sak a, kum 2024 thleng Arsenal-ah contract a nei mek a ni.

Tun season khelh mekah Arsenal tan all compettiion ah match 26 a inlan atang goal 7 a khung a, assist vawi 4 a nei tling bawk. Tuna a hlutna hi €103 Million a ni.

4 Pedri – €118 Million

Pedri will be carrying Barcelona's hopes this season

Spanish club lian Barcelona hi tun season khelh mekah duh angin an che tha lo hle. Sum lamah harsatna an neih avangin an thiampuipa Lionel Messi an chan bawk nen, beisei an phak loh tak zet.

Pitch chhung lamah duh angin Barcelona game tha vak lo mahse, Pedri erawh barca playe che tha tak pakhat a ni. Tunah hian kum 19 a upa chauh la ni mahse, club leh ram tan regular takin a khel der tawh a ni.

3 Jude Bellingham – €130.1 Million

It remains to be seen how long Bellingham stays at Dortmund

Jude Bellingham hi Birmingham City lama a khelh lai khan hma a sawn chak hle a. Ole Gunnar Solskjaer’an United a enkawl lai pawh khan Jude Bellingham hi Old Trafford lamah lak luh alo duh ve a ni. Mahse, kum 2020 khan Jude Bellingham chuan Borussia Dortmund a zawm tak zawk.

Tunah hian kum 18 a upa chauh la ni rih mahse, German lamah career ropui tak a hmang mek.

Kum 18 a upa Bellingham hi Dortmund tan starter a ni mek a, tun season khelh mek all competion ah match 28 a inlan tawh atang goal 4 a khung mai bakah assist vawi 10 a nei tling mek.\

2 Florian Wirtz – €133 Million

Sport-Club Freiburg v Bayer 04 Leverkusen - Bundesliga

Bundesliga lamah pwh rawlthar talent nei tha tak tak an awm nual a, mahse, Bayer Leverkusen rawlthar Florian Wirtz aia hlu an awm lo. Kum 2020 khan a game hmasa ber a khel a, Werder Bremen lakah a talent neih tha tak a pho chhuak a ni.

Wirtz hi attacking midfielder angin akhel a, hei mai bakah a pawlte goal khung tur siam lamah pawh a duai lo hle. Tun season Bundesliga khelh mekah player tha ber pakhat a ni mek a, kum 18 a upa chauh a ni bawk.

1 Mason Greenwood – €133.9 Million

Brentford v Manchester United - Premier League

Kum tlemte liamta atang khan Manchester United in graduate ropui tak tia sawi tur an nei lova, mahse, a tawp atawpah chuan Mason Greendwood an nei ta hlawl mai. Tun tuma kan rawn tarlan rawlthar talent nei tha kan sawi te ang thovin talent a nei tha a, kum 17 a upa a nihin United first team tan player pawimawh tak pakhat a ni.

Mason Greenwood khelhna position chu striker ni mahse, right wing angin a khel tam zawk. Tun season khelh mek all competion ah match 24 inlan tawhin goal 6 a khung mai bakah assist vawi 2 a nei tling bawk.

Source SK

Related Posts

error: Content is protected !!