Borussia Dormtund striker hi tunlai bazar-ah chuan a hot ber mai awm e, Real Madrid, Barcelona leh Manchester club pahnih pawhin an duh.
Mahse, English club hausa Chelsea hi Erling Haaland la thei tur zingah chuan an chungnung ber mai awm e. Chelsea club neitupa Roman Abramovich chuan Erling Haaland lak theihna turin £154.5 million pek a inpeih tawh niin The Sun Football chuan a tarlang. Hei hi Dortmund lamina Erling Haaland man an duh ang chu a ni.
Journalist Kristof Terreur sawi dan chuan, Erling Haaland hmalam hun hi sawi lawk theih a ni lova, Champions League winner Chelse leh kum 20 a upa te hi an inbia niin a sawi.
The Football Terrace a hrilh dan chuan, “A hmain Halland chungchangah inbiakna a awm tih ka hria, mahse, Erling Haaland hmalam hun sawi lawk chu thil harsa tak pakhat a ni.” tiin.
“A nihna takah chuan, Dortmund in Champions League an khel thei dawn a, tunah chuan Haaland chelh theihna tur dang an nei tih i ngaihtuah thei ang.”
“Mahse, Haaland hi mi zawng zawngin a an duhrawn player pakhat a ni, ka nghakhlel hle.” tiin a sawi bawk.
Sky Sports Italy Journalist Angelo Mangiante pawhin Erlling Haaland chungchang ti hian a sawi.
Chelsea chuan an primary target-ah Erling Haaland a nih thu a sawi. Chelsea target pakhat Romelu Lukaku hi Inter Milan lamah a awm chhunzawm dawn a, hei vang hian Chelsea hian Haaland an beisei a rinawm.
Champions League football avangin Erling Haaland hi Germany lamah a la awm thut thei a. Mahse, Europe Champion hi a zawm thut thei bawk. Chelsea chuan Summer transfer hnuhnung berah khan Timo Werner chu an la lut a, Chelsea tan games 52 a khelh atangin goal 12 a khung a ni. Duh angin a che tha lo.
Chelsea hian striker thar tha ve tak an mamawh hle a, Erling Haaland hi an la lut duh tak tak a nih chuan an lak luh hmel hle.