Chelsea Senior Player 2 in January Transfer window lo awm tur atan an agent hnenah club zawn sak turin an hrilh

Reports in a tarlan dan chuan Chelsea defender Cesar Azpilicueta leh Marcos Alonso chuan January transfer lo awm turah Stamford Bridge chhuahsan an duh niin a tarlang.

Kan hriat angin Chelsea right back Reece James hi Thomas Tuchel’an a hmang rim ang reng a, Azpilicueta erawh khelhna hun a chang tlem deuh tawh. England international Reece James hi tun season khelh mekah League goal 8 lai maiah a inhnamhnawih tawh a, a che tha ang reng.

Marcos Alonso pawh Ben Chilwell avangin khelhna hun a chang tlem tawh a, Ben Chilwell’an khup hliam a neih vang chauhvin match 4 a start a ni.

Chelsea lama experience neitha Spanish player pahnih hi Thomas Tuchel hnuaiah duh angin an khel tha vek lo bawk nen an hlim vak lo niin an sawi.

Tun season khelh lai an khelh zawh rual hian Chelsea player 4 lai mai te chu an contract neih lai an hmang zo dawn a, Thiago Silva, Cesar Azpilicueta, Antonio Rudiger leh Andreas Christensen te hian tun season khelh chhung chiah contract a nei tawh a. Marcos Alonso erawh thla 18 lai mai Chelsea ah hian contract ala nei rih a ni.

Mahse, Chelsea boss Thomas Tuchel hi heng player contract expire tur chungchangah hian a buai lem lo niin a lang.

“Ka ngaihtuah lem lo, heng player te hi engtiangin nge kan mamawh tih chu anmahni in an hre vek ang. An thil tih turah rights annei a, heta awm an duh pawhin rights annei bawk.” tiin a sawi.

Chelsea player contract zo tur te hi chhuak vek ta se, Chelsea hian player tha dang an la lut thei mai ang em? Thomas Tuchel hian Chelsea squad hi siam that tak tak a tum deuh em ni?

Soure SK

Related Posts

error: Content is protected !!