Italy star Lorenzo Insigne chuan Chelsea star Jorginho chu 2021 Ballon d’Or shortlist-ah a awm thei niin a sawi.
Kum 29 a upa Jorginh hi Chelsea tan 2020-21 season khan a che tha hle a, Thomas Tuchel hnuaiah role pawimawh tak chelhin UEFA Champions League nomawi an chawi mai bakah FA Cup Final an thleng thei a, Premiere League table-ah palina an hauh thei a ni.
Season liamtaah khan Jorginho hian Chelsea tan Premiere League bikah penalty goal 7 lai a khung tling a, CHelsea player bikah Premiere League goal khung hnem ber a ni.
Napoli midfielder hlui Jorginho hi 2020 Euro khelh mekah pawh Roberto Mancini tan a tangkai leh hle a, Italy chu quarter final a luh pui leh a ni.
Chelsea lama Jorginho teammate N’Golo Kante chu Balon d’Or dawng thei tura rinkai ber pakhat a ni mek.
Hetihlai hian Italy lama Jorginho teammate Lorenzo Insigne chuan Jorginho chu Ballon d’Or a phu ve niin a sawi a, team-ah amah ang a neih theih avanga a inchhuan zia a sawi bawk.
Jorginho in Ballon d’Or a phu tih chungchangah zawhna an zawt a, “Player quality nei tha kan kawl, Jorginho chungchang in sawi a, in ti dik.”
“Chelsea-ah kum tha tak a hmang a, kan team-ah amah ang kan nei hi ka inchhuang hle.”
“Ballon d’or phu luih tir ka tum lova, mahse, shortlist-ah tal chuan a awm ka ring, hei hi a phu a, player ropui tak a ni.”
“Kei chuan professor tiin ka ko, amah nena khelh dun chu ka hlim hle” tiin Lorenzo Insigne chuan Jorginho chungchang a sawi.
Jorginho chet dan thenkhat
2020/21 ah khan Chelsea tan Premiere League goal khung hnem ber a ni.
Euro 2020 khelh mekah pass ngah ber pahnihna a ni mek.
2020/21 UEFA Champions League squad-ah a lang.
Source Sportbible