Sky Sports chuan Chelsea striker Romelu Lukaku’an tun season bikah a teammate te hnen atanga ball pass a dawn zawng zawng an tarlang.
Mahse, Belgian forward Romelu Lukaku hian Kai Havertz hnen atangin vawi khat mah ball pass ala dawng lo niin an tarlang a, stats avang hian fan thenkhatte leh tantu thenkhatte an lungawi vak lo niin an sawi bawk.
Fan pakhat chuan rang tak maiin Romelu Lukaku ball pass loh chungchangah a ngaihdan a rawn sawi chhuak ve nghal.
“Kai Havertz hian space awm lohnaah pawh Timo Werner ngawt a pass thin, mahse, Romelu Lukaku pass thei turin space a awm reng thin sia, Lukaku hi a en hrang deuh” tiin Twitter lamah a sawi chhuak nghal a ni.
Twitter lamah Chelsea fans te lungawi lohna hmuh tur a tam ang reng hle.
Chelsea captain Cesar Azpilicueta hian Romelu Lukaku hi vawi 17 lai a pass tawh a, tun seasona Lukaku pass hnem ber ala ni mek.
Mateo Kovacic hi Belgian striker Romelu Lukaku in a pass hnem hle, vawi 16 lai Lukaku atangin pass a hmu.
Antonio Rudiger, Thiago Silva, Trevoh Chalobah, Edouard Mendy leh Kepa Arrizabalaga te hian Lukaku hnen atangin pass an la dawng rih lo, he thil hi chu a mak hran lo.
Kai Havertz leh Romelu Lukaku karah enge awm ta?
Anni pahnih hian tun season khelh mekah game 5, minutes 300 chhung an khel dun tawh a ni.
Romelu Luaku hian Kai Havertz hi vawi 11 lai a pass tawh a, mahse, Kai Havertz atangin pass vawi khat mah ala hmu lo thung.
German forward Kai Havertz hi Stamford Bridge lama a luh hnuin goal thawh lamaha tangkai hle a, mahse, tun hnai statistic thar ber an tarlanah erawh Lukaku a chawm hneh lo hle.
Statistic a a lan dan chuan Chelsea player Mount leh Kovacic hi kum 28 a upa Lukaku nen an thawk dun tha ber rih a ni.
Eng thil nge thleng zel dawn le?
Source SK