Chelsea leh Manchester United chuan Leicester City defender Wesley Fofana chu lak tumin an bei a, Chelsea an chungnung zawk niin French outlet Foot Mercato chuan a tarlang. Red Devils lamin Fofana dinhmun an thlithlai laiin Chelsea chuan centre back chungchangah inbiakna an kal pui tawh niin an sawi.
Kum hmasa lamah khan Fofana hian Ligue 1 club Saint-Etienne atang Lecester City hi £31.5 million velin a zawm a. Kum 20 a upa Fofana hi hliam serious tak a neih vangin enkawl mek a ni, mahse, Foxes lamah season khat a hman naah a thatna leh theihna te a pholang nasa hle.
Brendon Rodger enkawlna hnuaiah kum khat chauh contract hmang rih mahse, Premiere League club lian atangin duhtu a nei nual mai. Report in a tarlan dan chuan Chelsea lama kal chu a tum ber pakhat a nih thu an tarlang.
Nakum summer transfer lo awm turah khian Antonio Rudiger leh Thiago Silva te chu chhuak mai thei dinhmunah an ding a, hei hi Chelsea chuan hre rengin, an tel lova hun hman dan an zir tan mek. Thomas Tuchel enkawl Chelsea leh defender thenkhatte sawi zawm anni nual a, mahse, Fofana hi an wishlist zinga awmah chuan an lak luh a rinawm ber.
European champions Chelsea hian Frenchman hi nakum summer transfer a la lut turin an be tawh niin an tarlang. Summer transfer lo awm turah khian la lut thei tak ang maw.
Chelsea chauh Premiere League club atanga Fofana duh tu anni lova, Ole Gunnar Solskjaer enkawl Manchester United pawhin kum 20 a upa hi an duh ve tho a ni.
Mahse, Red Devils aiin Chelsea lamin Fofana lak luh theihna chance an nei tha zawk, amah player ngei pawh an pawh zawk niin a lang.
Chelsea leh Manchester United target Fofana man hi a tlawm lem lovang.
Chelsea leh Manchester United lak tum Wesley Fofana hi Leicester City atanga lak luh dawn chuan a man pawh hi a hrawl viau a rinawm.
Kan hriat angin kum 2 liamta khan Manchester United chuan Leicester City atangin Harry Maguire chu £78.3 million laiin an la lut a. Maguire man zat ang vel thovin Foxez lam hian Fofana man pawh an tih a rinawm.
Nikum lawkah khan Fofana hian Saint-Etienne atangin Leiceister City a zawm a, kha tihlaia a man chu £31.5 million a ni der tawh. Tunah hian kum 4 dang contract ala nei a, hei hian a man a ti to zual ngei ang le.
Source SL