Chelsea lamin Romelu Lukaku thlaktu tur forward list 5 an siam?

Chelsea chuan Belgian striker Romelu Lukaku thlaktu tur atan an shortlist-ah forward 5 an dah niin report in a tarlang. Lukaku hi tun summer-ah Inter Milan lama kir leh tur anga sawi a ni mek. Daily Mail in a tarlan dan chuan Blues lam hian Robert Lewandowski, Richarlison, Jonathan David, Victor Osimhen leh Gianluca Scamacca te chu Lukaku thlaktu tur atan list-ah an dah niin a tarlang.

Summer transfer hmasa zawkah khan Lukaku hian Inter Milan atang Chelsea hi £97.5 million lai maiin a zawm a. Chelsea a zawm hma hian Nerazzurri tan a che tha ang reng, match 95 a inlan atang goal 64 lai a khung a, 2020-21 season ah Inter Milan chu Serie A nomawi a chawi pui bawk. Mahse, Chelsea-ah erawh beisei a phak loh hle a, match 44 a inlan atang goal 15 chiah a khung thei a ni.

Lukaku hian London club Chelsea chhuahsan a hreh lova, Inter Milan lamah loan hmangin a lut dawn niin Sky Sports chuan a tarlang. Loan fee atan club pahnih te hi £6.9 million leh £3.4 million bonus in an inrem niin an tarlang bawk.

ROBERT LEWANDOWSKI

Blues target Lewandowski hian Bayern Munich tan match 375 a khelh atang goal 344 lai mai a khung tling a. Kum 33 laia upa ni tawh mahse, ala chuai theilo niin a lang. Season khelh zawh takah pawh khan games 46 a inlan atang goal 50 lai a khung. Chona thar dang hmachhawn a duh a, Chelsea lamin lak luh an lo tum ve bawk.

RICHARLISON

Hetihlai hian Everton striker Richarlison pawh season liamta khan Toffees tana che tha tak pakhat a ni. Premiere League match 30 a khelh atang goal 10 a khung tling a, UEFA Champions League match khelh a duh ngei a rinawm a, Chelsea hi atan UCL khelh theihna a ni thei dawn niin Football.london chuan a tarlang.

VICTOR OSIMHEN

Nigeria international Osimhen hi Napoli tan 2021-22 season kha a che tha ang reng hle, All competion-ah games 32 a inlan atang goal 18 a khung mai bakah assist vawi 6 a nei tling.

JONATHAN DAVID

Canada International David hi Lille tan season khelh a che tha hle. Match 48 a inlan atang goal 19 a khung. Tunah hian kum 22 chauhva upa a ni rih.

GIANLUCA SCAMACCA

Blues target 5 na Scamacca hi season liamta khan Sassuolo tana player che tha tak pakhat a ni, Serie A games 36 a inlan atang goal 16 a khung.

SOurce SK

Related Posts

error: Content is protected !!