Reports in a tarlan dan chuan Chelsea lamin Romelu Lukaku partner tur atan Inter Milan striker Lautaro Martinez chu lak luh an duh niin a tarlang.
Kum 24 a upa Lautaro hian tun season khelh mekah Serie A games 15 a khelh tawh atang goal 10 a khung a, hei mai bakah assist vawi 2 a nei tawh bawk. Summer transfer hnuhnung berah khan Tottenham Hotspur leh Manchester United te nen sawi zawm an lo ni tawh. Amaherawhchu, Man Utd lamin Cristiano Ronaldo an la lut ta zawk a, Spurs lam pawhin lak luh tumin an bei lem lo.
Romelu Lukaku leh Lautaro Martinez hi season hmasa khan Serie A lamah an inkawp fuh ang reng hle a, goal 17 a khung mai bakah assist vawi 10 a nei a ni. Hei mai a ni lo Inter Milan chu a vawikhatna atan kum 10 hnuah Serie A nomawi an chawi pui bawk.
Summer transfe lai khan Chelsea chuan Romelu Lukaku chu an player man to ber ni turin £97.5 million lai maiin an la lut a. Mahse, Stamford Bridge lamah fans te beisei ang leh duh angin ala che tha em em lo.
Tun season khelh mek all competion ah Chelsea tan match 16 a khelh tawh atang goal 5 chiah ala khung a, assist vawi 1 a nei bawk.
Lukaku hi hliamin a tibuai ve zeuh zeuh a, mahse, tunah chuan team lamah a rawn kir leh tawh. Tuna a partner Timo Werner pawh hi a che tha lem lova. Tun season khelh mekah match 14 inlan tawhin goal 5 a khung mai bakah assist vawi 2 chiah ala nei rih.
Chelsea chuan striker quality nei tha tak an mamawh hle a, Lautaro Martinez hi an mamawh ber pakhat a ni. An la lut thei dawn a nih chuan tuna an forward nilai Timo Werner hi a chhuah ngei a rinawm.
Source SK