Chelsea in Man Utd lakluh tum Antony lam an hawi

Chelsea hotute leh Ajax winger Antony aiawhtu te chu player chungchangah inbiakna an nei niin 90 min chuan a tarlang. Brazilian international hi Manchester United nena sawizawm mek anni a manager Ten Hag hnuaiah a khel leh ngei dawn niin media tam tak te’n an tarlang.

Kum 22 a upa Brazilian winger hian Amsterdam ah season hnih tha tak a hmang tawh a, season hmasa chiah khan league game 23 inlan in goal 8 leh assist vawi 4 a nei, a team Ajax chu league nomawi a chawipui nghe nghe bawk ani. Tin ,a ram Brazil tan pawh inlan tura koh ani bawk.

Hmatawng lam thuamthat tum manager Ten Hag chuan Ajax a a lo hrawn tawh Antony chu Old Trafford lama sengluh ngei tumin tan a la nasa hle a, kar liam ta mai khan Antony aiawhtu te pawh Man Utd hotute nen England ah player transfer chungchang sawiin an inhmukhawm.

Antony pawn club lian zawk pan a duh tih a chiang tawh a, Man Utd nena sawizawm an nih mek laiin Chelsea lam pawn lakluh tumin tan an lo la ve.

Blues lam hian an squad tichak zual turin Antony mai bakah City winger Raheem Sterling leh Barcelona winger Ousmane Dembele te pawh an thlithlai mek zel. Haaland leh Alvarez te’n Etihad an pan avangin Sterling leh Jesus te chu Etihad chhuahsan tura ngaih anni. Chelsea hian Dembele chu free transfer a lakluh theih an inring hle bawk.

Related Posts

error: Content is protected !!