Chelsea in Leao lakluh theihna hun tha nei dawn

Contract thar chungchanga club hotute nen an inbiak rem theih loh hnuin Chelsea chuan a hma zawng aiin AC milan forward Rafael Leao lakluh theihna hun remchang an nei dawn niin a lang.

Leao hian Sansiro a a la cham zel dawn anih chuan kumkhata a hlawh tur £6 million a phut a, tin kum li kaltaa a contract chungchangah a club hlui Sporting Lisbon nen an inhmuhthiamloh avangin court chuan £14 million chawi turin a ti. A laka pawisa an phut £14 million hi AC Milan lam chuan chawi sem ve se tih chu Leao duhdan a ni a, heng thil thlen chhan hi AC Milan vang niin a ngai.

Milan lam erawh in an forward hlawh phut zat chu tam an ti a, tin £14 million chu chawi sem an tum lo bur bawk niin Corriere dello Sport chuan a tarlang.

Hetiang boruak a awm takah chuan Leao hi Italy ah a la cham zel dawn em tih hriat a ni ta lova, Chelsea lam chuan lakluh theihna hun tha an nei thei ang.

Transfer bazar hnuhnung ber khan Blues chuan Portuguese international hi an lo hel tawh a, a manah £69 million thehchhuah inhuam mahse Serie A champion lam hian a release clause £130 million an phut thung. Player manah club pahnihte an inbe rem theilo.

Club hotute leh Leao inhmuthiam chiah lo mahse Milan head coach Stefani Pioli chuan an forward hi club a la kawl chhunzawm zel a duh. Leao hian tun hnaia Inter Milan 3-2 a an hneh tum khan goal 2 leh assist vawi 1 a nei nghe nghe.

error: Content is protected !!