Chelsea chuan January transfer lo awm turah Juventus atangin Adrien Rabiot chu Stamford Bridge lamah lak luh an tum niin report in an tarlang.
Tun hnai lawk atang khan Frenchman hi Juventus player duh zingah a tel vak tawh lova. Hun tam a liam hmain Turin hi a chhuahsan thuai dawn niin a lang, Chelsea chu a kal lehna tura rinkai ber pakhat anni mek.
Adrien Rabiot hi kum 2019 a Juventus a pan hma kha chuan Paris Saint-Germain player pawimawh tak pakhat a ni a. Juventus lama a insawn hnu hian games 95 khel tawhin goal 6 a khung mai bakah assist vawi 5 a nei mek.
Mahse, tun season khelh mekah kum 26 a upa Rabiot hian sawiselna hrang hrang a dawn ga, an coach Max Allegri hnen atang ngei pawhin selna a dawng a ni. Juventus hian a hlawh tih hniam hrim hrim pawh an duh a ni.
Tun season khelh mekah match 11 inlan tawhin beisei a pha lo hle, Seria A a chhuahsan thuai a rinawm.v
Adrien Rabiot duhtu zingah hian Chelsea mai ni lovin Premiere League club Newcastle United leh FC Barcelona pawh an lang a. Mahse, Chelsea hi Rabiot la tu tur zingah an langsar hle thung.
Chelsea hian Saul Niguez thlaktu tur atan Adrien Rabiot hi an la lut thut thei
Premiere League table hmahruaitu Chelsea hian attacking midfielders an nei tha ang reng hle a. Hetihlai hian midfield lam control thei player an mamawh hle niin a lang. Tunah hian Mateo Kovacic leh Jorginho/ N’Golo Kante te annei mek.
Summer transfer lai khan Chelsea chuan Atletico Madrid atang Saul Niguez hi loan hmangin an la lut a. Mahse, tun thlengin ala che tha hlei thei lo. Chelsea tan Premiere League match vawi 1 chiah ala start thei rih. Aston Villa an hmachhawn tumah a start nghe nghe.
Report hrang hrangin an tarlan dan chuan Chelsea hian January transfer lo awm turah Saul hi chhuahtir an rilruk niin an tarlang.
Source SL