Site icon HUAPZAU

Chelsea in Aubameyang man an chhiar tlawm!

Chelsea chuan an forward Pierre Emerick Aubameyang manah £5 million bak an chhiar lova, Gabonese striker hi Ligue 1 club Marseille chuan lâkluh tumin hma an la mêk.

Kumin nipui bazarah Chelsea leh Aubameyang te chuan inthen zai rel ngei an duh a, Blues hian an striker lâkluh tumtu Marseille hnenah a an forward hi an sezawl chhuah ngawt loh tur thu an hrilh.

Transfer expert Fabrizio Romano chuan Aubameyang leh Marseille te’n a thuphunga inremna an nei tawh thu leh kum 34 a upa hian Ligue 1 club tana season thum chhung daih tur contract a ziah tur thu a tarlang.

Aubameyang hian Saudi lam atangin sawmtu nei ve bawk mahse Europe a la cham zel a duh thung a, Marseille chuan Barca leh Arsenal striker hlui lalut tur hian £5 million bak an theh chhuah a ngai lo.

Aubameyang hian nikum nipui bazar lai khan £12 million in Barcelona atangin Chelsea a zawm a, beiseina sang tak nen Premier League lamah kir leh mahse Blues tan erawh beisei a phâk lo hle!

Dortmund striker hlui hian 2022/23 season khan Blues tan inelna hrang hrangah game 21 (11 starts) chauh inlanin goal 3 leh assist vawi 2 a thawkchhuak a, a professional career a season a hman that loh ber tum a ni hial âwm e!

Exit mobile version