Chelsea top transfer target Jules kounde chungchangah Chelsea leh Sevilla te chu an inrem hnai niin report in a tarlang.
TeamTalk in a tarlan dan chuan, Chelsea lamin Jules Kounde an lak luh theihna turi La Liga club lian Sevilla hnenah €60 million lai an offer niin a tarlang. Hetihlai hian January transfer window erawh a zo leh tep tawh a, tun window inhawn chhunga an la lut theilo a nih chuan. Kounde hian summer transfer ah Chelsea hi a zawm thut thei bawk.
Premiere League club lian Chelsea hian tun season khelh zawh a nih rualin tuna an defender tha thenkhat hi an chan thut thei a, a bik takin Antonio Rudiger, Andreas Christensen leh Cesar Azpilicueta te hi tun summer lo awm turah chuan an contract neih a zodawn a ni.
Antonio Rudiger hi Bayern Munich nen sawi zawm mek anni a, Cesar Azpilicueta leh Christensen pawh FC Barcelona lamin an duh ve bawk niin an sawi.
Anni pathum hian Chelsea an chhuahsan chuan Thomas Tuchel tan chuan thil pawi tak a ni thei dawn. Anmahni thlak theitu tur a lak luh thuai a ngai dawn a ni. Chelsea hian Thiago Silva leh Malang Sarr annei mek a, mahse, an that zawk theihna turin an squad-ah player tha dang an dah belh a ngai a ni.
Tun hnai lawk khan Chelsea leh PSG defender Marquinhos chu sawi zawm an lo ni tawh a, mahse, Paris Saint-Germain tan a la khel chhunzawm rih dawn a ni. Bayern Munich star Niklas Sule pawh hi Chelsea nena sawi zawm a ni a, summer transfer lo awm turah free agent in a chhuak thei dawn.
Source SK