Chelsea chuan an Inter Milan striker Romelu Lukaku lak luh nan pound maktaduai 130 lai mai thehchhuah an inhuam niin Goal chuan an cofirm.
Kan hriat angin Romelu Lukaku hi tun summer transfer-ah Stamford Bridge lama kir leh tur anga sawi a ni a, Chelsea manager Thomas Tuchel pawhin Chelsea attacking lam chu thuam that a tum ruh hle bawk.
Goal in an tarlan dan chuan Chelsea lam hian Romelu Lukaku lak luh theihna turin Pound maktaduai 100 an theh chhuak tawh a, mahse, Inter Milan lamin an hnawl, hemi hnu hian Marcos Alonso pek telin an ti leh mahse, Inter lamin an hnawl leh niin an sawi.
Tunah hian Chelsea lam chuan an player hlui Romelu Lukaku lak luh theihna turin Pound Maktaduai 120 atanga 130 vel thehchhuah leh an tum niin an sawi, Inter Milan lam hian an lo pawm thei tawh mai lovang maw.
Goal in an sawi zel danah Aston Villa lamin Chelsea striker Tammy Abraham chu lak luh an duh ve niin an sawi. Chelsea lam hian Tammy Abraham hi chhuah hlen tir an duh a, a chhuak hlen thei a nih chuan Abraham an hralh chhuahna atangin Pound maktaduai 40 vel an hlawhchhuak thei dawn a ni.
Romelu Lukaku hi kum 2011 leh 2013 inkarah khan Chelsea tan alo khel ve tawh a, Chelsea first team tan match 15 a inlan atangin goal khat pawh a khung theilo a ni. Mahse, hun a kal zel a, Premiere League striker tha ber pakhatah a inchhuah. Kum 2017 khan Manchester United tan khelin, games 96 a khelh atang goal 42 a khung.
Kum 2019 khan Manchester United chuan Inter Milan lamah Pound maktaduai 74 laiin an hralh chhuak a, a che tha hle, match 95 a khelh atang goal 64 lai a khung thei a ni. Inter Milan in Serie A nomawi an chawi theihnaah player pawimawh tak pakhat a ni.
Chelsea lam hian an la lut thei maithei?
Source AF