Chelsea chuan Crystal Palace star Michael Olise chu transfer chungchangah a thuphungin inremna an neih fel pui niin report chuan a tarlang a, Blues hian midfielder thar an nei dawn niin a lang.
RMC Sport tarlan danin Blues hian Olise hi tun hnaiah an ngaihven thar hle a, a man tura an bid hmasa ber add ons tel a £39 million pawh Crystal Palace hnenah an theh lut tawh.
Olise hi European under 21 championship ah England tana a inlan tum khan kaihza hliam a nei a, tun thlenga la inkhel thei lovin a hma hun tur lah a chiang lo ruai bawk.
Fabrizio Romano tarlan danin Manchester City pawhin kum 21 a upa hi an ngaihven mêk a, English midfielder hian season hmasa khan Palace tan league game 37 a inlan atangin goal 2 leh assist vawi 11 a thawkchhuak a, Premier League rawlthar thangduang ber te zinga mi a ni.
A kaihza hliam avangin Olise hi season thar tan hunah a inkhel nghal thei dawn em hriat a ni lova, chutihrualin tun dinhmunah Chelsea leh City te ngaihven lai mêk anih avangin transfer window inkhar hma ngei a Selhurst Park a chhuahsan a rinawm.
Transfer thilah Blues hian Olise chu a thuphungin inremna neih fel pui tawh mahse Palace lam an la dawr lova, Blues hian English rawlthar beiseiawm hi an lalut duh takzet anih chuan sum tam an theh chhuah a ngai ang.
Hetih mêk lai hian City pawhin Olise hi an ngaihven a, Barcelona lamah Ilkay Gundogan chân mahse Chelsea atanga Croatian midfielder Mateo Kovacic an lâkluh tawh tho avangin midfielder dang Olise lâkluh tum hian sum thahnem tak an insêng duh in a rinawm loh.