Chelsea head coach thar Mauricio Pochettino chuan Blues manager anih hnua interview a neih hmasak ber na ah a team thar hi a fak hle a, tun hnai kum 10-15 chhunga English team ropui ber anih thu a sawi.
Blues hian tun hnai kum 15 chhung khan title 17 zet mai an chawi a, chung zinga hlu zual deuh Premier League title 3 bakah UEFA Champions League 2 an chawi.
Argentina coach Mauricio Pochettino chuan a team thar Chelsea chu hetiang hian a fak a, “Chelsea sulhnu kan en let anih chuan hnehna chang reng thin leh a sang lama awm reng thin anni kan hre thei ang. Chelsea hi tun hnai kum 10,12,15 chhunga English team ropui ber anni. Premier League hi ka hrechiang hle a, Chelsea club zia pawh ka man viau bawk.”
“Team naupang leh talent nei tha tak player te nena thawh ho hi ka châk tawh a, chutihrualin kan hriat ngei ngei tura ka duh chu hlawhtlinna chang chho tur chuan rim taka kan thawh a tul bakah training ground ah boruak nuam leh zângkhai tak kan siam reng a ngai” a ti.
Kum 5 chhung Spurs lo enkawl tawh tu Pochettino hian England ah trophy êm la chawi lo mahse Premier League hi a hrechiang thawkhat hle dawn a, Blues tan pawh signing tha anih ngei beisei ang.
Chelsea hian US tour a an pre season game hmasa berah Wrexham an hmachhawn dawn a, he match hi Pochettino an Chelsea a enkawl hmasak ber na a ni ang.