Nizan Premiere League match khelhah Chelsea leh Wolves chu 0-0 in an indraw a, inkhelh zawh khan Chelsea boss Thomas Tuchel chuan Spanish midfielder Saul Niguez chu fakin a che tha tak zet tiin a sawi.
Kan hriat angin Chelsea hi tun hnai vel atang an rawn che tha vak lova, a zawnin Premiere League-ah draw annei tawh a ni. Nizan game khelhah pawh khan goal khung theihna chance nei mahse, goal an khung theilo.
Nizan inkhelhah khan Chelsea tan Saul Niguez hi a che tha ang reng a, Thomas Tuchel pawh a lawm hle niin a lang, fans te pawhin a thatna an hmu ve deuh ang.
Saul Niguez hian second half-ah Trevoh Chalobah a thlak a ni.
Kar hmasa daih tawh atang khan Sual Niguez hian sawiselna hrang hrang a dawng a, a bik takin Chelsea fans ten an sawisel nasa hle. Mahse, nizan match ah khan Saul tak tak a lang tlat mai. Thomas Tuchel chuan kum 27 a upa Saul hi a chet dan avangin a fak.
“Vawiin hian Saul hi a khel tha tak zet, a tlangpuiin kan khel tha a a chhan chu kan inrel dan kha a tha hle. Inrelbawlnaah chuan dicipline hi a pawimawh tak zet. Hei hian min ti tha zual a ni, nizanah pawh Sual kha pawimawh zingah a tel ve ani.” tiin Thomas Tuchel chuan Chelsea TV a hrilh niin Metro hin a tarlang.
Chelsea in Everton 1-1 a an draw pui tumah khan Sual Niguez tihsual palh avangin The Toffees lam chuan an draw thei a, hei vang hian Chelsea fans te atangin sawiselna hrang hrang a tawk. Kar hmasa khan left wing back angin a khel a ni.
WOlves an hmachhawn tumah erawh kum 27 a upa Saul hi Defensive midfielder angin a khel a, a khelh thinna pangaia khelh chu a tih fuh hle niin a lang. Tun season khelh mekah Chelsea tan all competion-ah match 9 a khelh tling ve tawh a ni.
Kar lo la awm turah hian a khelh leh theih ngei a rinawma, a chhan chu Chelsea lam hian hliam nei player an kawl nual, Ruben Loftus Cheek leh Jorginho pawhin hliam annei a, Mateo Kovacic leh N’Golo erawh hunrei tak hnuah an rawn khel ve leh thei tawh a ni.
Chelsea hian bul tan tha viau mahse, kar khat vel liamta atang khan an che tha vak lova, tunah hian Premiere League table-ah pathumna hauh mekin pakhatna Manchester City chu point 6 in an la phak lo.
Source SL