Chelsea fans te tan thu lawmawm tak a ni ngei ang le! Chiesa’an Chelsea player te follow nual

Federico Chiesa’an Social Media lamah Chelsea player pawimawh te a follow na screenshot chu fan pakhatin pholang a, hei hian Chelsea fans te a ti lawm ru hle.

Report in an tarlan zel danah Chelsea lamin Juventus star Chiesa chu £84 million lai maiin lak luh an tum dawn niin an tarlang.

Chiesa’an Chelsea player teah hian ti ber nge a follow tih hriat a ni lova, mahse screenshota a lan dan chuan tuna Chelsea player ni mek 5 te a follow tih chu chiang takin a hriat theih.

Kum 24 a upa Federico Chiesa chuan Chelsea Instagram account a follow tawh a, hei mai bakah Christian Pulisic, N’Golo Kante, Mateo Kovacic, Kai Havertz, Saul leh Chelsea player hlui Eden Hazard te pawh a follow bawk.

Social Media lama a fans thenkhatte chuan Chiesa hi West London lamah a insawn ngei dawn niin an ngai.

Tuesday khan UEFA Champions League group stage match ah Chelsea chuan Juventus hi lo mikhualin, 4-0 lai maiin mual neitu lamin an hneh a nih kha.

Twitter User pakhat chuan, “Tuesday khan Chiesa hian Chelsea player te a follow vek, call back a inbeisei” Tiin a tweet.

Winger lama che tha tak Chiesa hi Euro 2020 ah khan Italy tan a che tha hle a, hei vang hian England lamah duhtu a nei nual.

Kum 24 a upa Chiesa hi Fiorentina strikder hlui leh Italy manager hlui Enrico Chiesa fapa a ni.

Chiesa hian a pa hnungzuiin Fiorentino chu a in a ni.

Florence tan Match 153 a inlan atang goal 34 a khung a, assist 25 a nei tling bawk.

Kum 2020 khan Juve lamin kum 2 chhung atan loan in an la lut a, an deal neih angin an duh chuan an lei nghal thei dawn a ni.

Chelsea hian an la lut mai lovang maw?

Source Mirror

Related Posts

error: Content is protected !!