Chelsea boss Tuchel tan contract thar

Report tarlan dan in Chelsea chuan an manager Thomas Tuchel chu contract thar chungchangah inbiakna neihpui an duh a, German coach hi kum hnih dang contract zawrh an duh.

Blues manager Tuchel hian Stamford Bridge a pan hnuin UEFA Champions League, Super Cup leh Club World Cup te a chawi tawh a, Chelsea fans te ngainat rawn ani.

Tun season kal mek ah Tuchel a nau te’n league game hnih an khel tawh a, Everton laka hnehna an chan hnuin Tottenham Hotspur an inhnehtawkpui a, point 4 hmu in table ah 7-na dinhmun an hauh mek.

2021 a Chelsea hotute’n Frank Lampard an ban hnuin Tuchel an lalut a, German coach hian Chelsea a zawm season khatna ah a team chu top 4 huanga season a khar pui mai bakah UEFA Champions League nomawi a chawipui bawk anih kha.

Tun season ah pawh Chelsea in tan an la mek zel a, Premier League mai bakah nomawi dang chawi turin an tha tawk hle. Transfer bazar ah player tha tak tak Raheem Sterling , Kalidou Koulibaly, Marc Cucurella leh Carney Chukwuemeka te an lalut tawh.

Chelsea in hma lam an pan zel tih an hriat in club hotute an hlim a, Stamford Bridge a kum hnih contract la nei mek manager Tuchel chu kum hnih dang contract ziah belh turin inbiakna an neihpui dawn tih The Sun chuan a tarlang.

Related Posts

error: Content is protected !!