Chelsea anchhe number thai botu tur Aubameyang – Joe Cole

Pierre-Emerick Aubameyang chuan Chelsea number anchhia an tih mai, number 9 chu a thai bo thei dawn niin Joe Cole chuan a sawi.

Kan hriat angin Chelsea hi kum thum chhung an hlawhtling thawkhat viau mai, mahse, thil hriatthiam harsa tak pakhat a awm a, chu chu number 9 ha hlawhtling an awm thei lo lutuk hi a ni.

Kum 2021 August hla khan Romelu Lukaku chuan £100 million lai maiin a club hlui Chelsea a zawm tha leh anih kha. Hunrei tak Stamford Bridge lamah hian kir alo tum ve fo a, a tawp a tawpah chuan a kir thei ta a ni.

Mahse, a inbeisei ang leh fans te beisei angin thil a kal tluang thei tlat lo mai, All competion-ah match 44 a inlan atang goal 15 chiah a khung hman a, summer transfer khan Inter Milan lamah bawk loan in a kir leh a ni.

Lukaku chauh hi Jersey number 9 ha hlawhchham a ni lova, Thomas Tuchel pawhin a hma deuh lawkin, ka player ten he number 9 hi an ha ngam thlawt lo niin alo sawi tawh bawk.

Amaherawchu, tun summer transfer window tawp lamah khan Pierre-Emerick Aubameyang chuan Chelsea a rawn zawm a, he number 9, anchhe number an tih mai hi a rawn thlang ta a ni. Mahse, player flop Morata, Fernando Torres, Hernan Crespo leh mi dang te ang thovin Aubameyang hi flop ve thei tho dinhmunah a ding mek.

SPORTbible kal tlangin Chelsea star hlui Joe Cole chuan Aubameyang hi a rawn tha chho ang, goal pawh a khung nual thei dawn niin a sawi a, hei mai a ni lo anchhe number anihna a ti tawp thei dawn niin a sawi bawk.

“He thil hi chu a duhawmlo hle, sum tamtak sengin player tha kan lei ve thin a, mahse, duh angin leh beisei angin an che tha vak ngailo.” tiin Cole chuan anchhe number 9 hatute chungchang a sawi.

“Aubameyang hia footballer tha tak a ni a, goal khung thei tak anih zia a pholang thin. Tunah hian player naupang zawkte kiangah a khel a, atan chet thatna chance tha a awm zel ang.”

“Barcelona lamah a lut a, hunreilote chhung khan goal a khung nual hman a ni. Khatiang chiah khan Chelsea-ah pawh a rawn ti thei ang.”

“Auba hian chance a neih zel theih chuan he anchhe number hi a thai bo thei dawn a ni” tiin a sawi bawk.

Source Sportsbible

error: Content is protected !!