Chelsea aia Barca a zawm chhan Kounde an a sawi

Barcelona defender Jules Kounde chuan Chelsea aia Barcelona zawm chu thil awlsam anih thu a sawi. French defender hian transfer bazar hnuhnung ber khan £56 million in Sevilla atangin Camp Nou a pan.

Chelsea a zawm ngei dawn niin a lang hman a, Sevilla Sporting Director pawh in Kounde chungchangah Chelsea nen inremna an neih hman tawh thu a sawi. Chelsea in Sevilla an inghahtir mek laiin Barcelona an rawn lang thut a, Xavi hian harsa lo te in Kounde chu a lalut fel thei.

Sum lamah Barca in buaina an tawk a, an player thar thenkhat an register hnuin Kounde an hun tlem a la nghah a ngai. Tunah erawh an inziak fel thei tawh a, Barcelona in August ni 28 a Real Volladolid an hneh tum in kum 23 a upa defender hian a club thar tan competitive game hmasa ber a khel nghe nghe.

Kounde chuan Chelsea aia Barca a zawm chungchang sawiin,”Barca hian player a tu a te pawh an la hip a, tin player an lakluh kawngah manager a pawimawh em em bawk. Ka tan chuan Barcelona zawm hi duhthlanna awlsam tak a ni a, ka duh tur ang engkim chu he club ah hian a awm” a ti.

Kounde hian kar hmasa inrinni a a club hlui Sevilla 3-0 a an hneh tum in vawi hnih assist a nei a, a khel tha hle. Kounde hi tun nipui bazar a Barcelona player lakluh thar pasarih zinga pakhat a ni. Naktuk zana Viktoria Plzen an hmachhawn hunah Xavi hian a defender thar hi a chhawr ngei a rinawm bawk.

Related Posts

error: Content is protected !!