Champions League chawi tum Xavi leh a nau te

Barcelona manager Xavi chuan kum 8 hnua Champions League chawi leh thei tura an that tawk thu leh a nau te pawh Champions League chawi leh thei tur khawpa rilru paukhauh pu turin a duh.

Barcelona hian naktuk zanlai dar 12:30 ah tun season a an Champions League group stage game hmasa ber an khel dawn a, Camp Nou ah Viktoria Plzen an lo mikhual ang. Season hmasa anga group stage paltlang zawh loh nih an tum lo. Nikum khan Barcelona hi Bayern Munich leh Benfica te hnuaia awm in group stage an paltlang zo lova, chutihlaiin an elpui ber Real Madrid erawh in final ah Liverpool chu 1-0 a hneh in a vawi 14 nan an champion.

Tunah erawh Barcelona dinhmun a tha tawh a, transfer bazar an hmang tha bawk nen tun season Champions League ah pawh sang tak an thlen theih a beiseiawm hle.

”Tuna kan tum ber chu group stage paltlang hi a ni. Tum chu a thiang a, chuvang chuan he inelna ah hian hnehna kan chan loh chhan tur ka hrelo. Chumi thlentir tur erawh chuan naktuk a kan game hmasa ber atangin point 3 kan hmuh nghal a ngai ang” tiin Xavi an Champions League nomawi an chawi theihloh chhan tur a hriat loh thu a sawi.

Barcelona in Champions League an chawi hnuhnun ber chu 2014-15 kha niin tuna Barca manager Xavi hian substitution bench a luahlum. Kha match ah khan Berlin ah Barcelona chuan 3-1 in Juventus an hneh a, Ivan Rakitic, Luis Suarez leh Neymar te’n champion team tan goal an khung.

”Team dang elpui tur kan nei a, Champions League nomawi chawi hi kan thil duh a ni. Chuti nilo se he hmun hi ka rawn pan lovang. Chak kan duh a, amaherawchu 2015 atanga he nomawi chawi tawh lo kan nih avangin indahsang tur kan nilo. Season hmasa lamah nise Europa League kan khel bawk. Game tin mai hi indona anga kan hmachhawn a ngai a, group harsa takah kan awm bawk” tiin Xavi an Champions League chawi leh an duh thu a sawichhuak.

error: Content is protected !!