Scotland coach Steve Clarke chuan Euro 2020 khel turin a naute a bei ngawrh tir hle. Group D ah England, Czech Republic leh Croatia te nen an awm tlang a ni.
Liverpool left back Andy Robertson chuan a teammate leh backroom staff zawng zawng te hnenah £900 man ang hu gift box a pe theuh a ni. He gift box-ah hian item chi hrang hrang a awm thluah.
Gift box chhungah hian intur thenkhatte awmin, Irn-Bru litre khat, Tennent can te leh Johnie Walker blue label whiskey pawh a awm nuk.
Player thenkhatte chuan Apple sana £379 man hu vel te, £300 Bang & Olufsen E8 Sport wireless sports earphones leh FIFA Scotland edition te an dawng hlawm a ni.
Robertson chuan Twitter lamah boxes thlalak te share in, a thil sem zawng zawng hi brands vek niin a ngai.
Football agengy PLG Groupset up chuan Box hi an buaipui niin an sawi. Hull City mihlui chuan, “Scotland captain Andy Robertson chuan squad leh backroom staff te a barakhaih hle, June ni 14 a an match hmasa ber khelh tur inbuatsaih nan gift box dangdai tak a sem a ni.” tiin a sawi.
“Kum 23 a up Andy Robertson hian international tournament khelh tur hi a lawm a ni ber mai, Andy hian gift hrang hrang special tak a hlan hlawm a ni.” tiin a sawi bawk.
Source SB