Nizan France leh Switzerland inkhelhah khan penalty shootout hmangin Switzerland lamin hnehna an chang a, hemi chungchangah France captain Hugo Lloris chuan France team aiawhin ngaihdam a dil niin Mailonline chuan a tarlang.
French captain Hugo Lloris hian inkhelh pangaiah penalty a save a, Kylian Mbappe’an penalty shootout ah a pet goal loh avang khan duh ai hmain, Europeaan Championship atangin France chu an tla ta a ni.
Hugo Lloris chuan Mbappe mawhchhiat a duh lova, Euro 2020 game khelh zawng zawngah duhthusamin a khel tha lo, a nih dan tur dik tak anga a chet loh thu a sawi a, France squad chu duh ang zana an that tawk loh thu a sawi tel bawk.
‘Hnehna kan chang rual anga, kan tlawm rual bawk ang, he inelna stage atang kan tlak naah hian mawhphurhna kan nei vek. Tumah dem tur bik kan awm lo.’ tiin France captain Hugo Lloris chuan a sawi.
‘Kan engkim kan hlan a, Pitch chhungah khan kan theihna zawng zawng sawm khawmin kan che. Penalty hi chu thumvawrna (lottery) ang a ni. 3-1 a hma kan hruai lai khan a tawp thleng goal dang thei tur chu kan ni.” tiin a sawi.
Kylian Mbappe pawhin Instagram lamah a ram mipui te hnenah ngaihdam a dil.
“Phek thar keu leh chu a harsa tak zet. Kan tlak hnuah kan lungai hlawm hle. Kan goal tur kan khung thei lova, He penalty avang hian ka tihpalh tak zet. Team tanpui chu ka duh ber a ni a, mahse, ka ti hlawhtling theilo.”
“Mut a har dawn hle, mahse, he sport ah hi chuan san hun leh hniam hun a awm thin a, hei vang tak hian a ni ka duh ber ni. Nangni fans te pawh in beidawng tih ka hri, mahse, min support na avang leh englai pawh min rinna avangin ka lawm hle.”
“A pawimawh ber chu kan game khelh leh turah a ni, Switzerland ho duhsakna sang ber ka hlan.” tiin a sawi.
Source