Cristiano Ronaldo hi khawvel player tha ber pakhat a ni a, tunah hian kum 36 a upa ni tawh mahse, ala down lo niin a lang.
A career-ah thil ropui tamtak lo ti tawh mahse, goal khung belh zel a duh a, trophies dang chawi belh zel a mimal chawimawina dang pawh la chawi belh zel a duh a ni.
Tunkar chhungah hian club anga season a hman vawi 19 na tur a khelh tan ngei a rinawm a, tuna a kir lehna Manchester United-ah hian ropui takin che leh thei tak ang maw?
Red Devils tana a game hmasa ber tur a khelh lehna hi mi tamtakin hmuh an chak a, an nghakhlel tawh hle.
Engpawhnise, tun season-a C Ronaldo’an record a siam theih tur 5 te kan rawn tarlang ve leh dawn a ni.
5. Premiere League leh La Liga atanga league goal 100 khung thei player hmasa ber
Tun century-ah hian league pahnih tana goal 100 khung thei player an awm nual tawh, Gonzalo Higuain hian (La Lig leh Serie A) ah goal 100 a khung a, chutiang zelin Zlatan Ibrahimovic (Serie A leh Ligue 1), Andre Pierre Gignac (Ligue 1 leh La liga) Edinson Cavani (Serie A leh Ligue 1). Mahse, La Liga leh Premiere League-a goal 100 ve ve khung thei player erawh an la awm lo.
Cristiano Ronaldo hian Premiere League goal 100 khung tlin nan goal 16 chauh a mamawh tawh a, La Liga bikah chuan goal 311 lai a khung tawh a ni. Premiere League-ah hian goal 84 khung tawhin goal 100 a khung thuai theih a rinawm. Tun season-ah goal 16 a khung tling chuan atan record thar a ni ang.
4. Premiere League Golden Boot dawng thei upa ber record
A hma angin League goal 40 vel a khung thei tawh lo maithei, mahse, goal tamtak erawh ala khung thei tih chu a chiang hle.
Season liamtaah khan C Ronaldo hian Serie A bikah goal 29 lai khungin Romelu Lukaku chu goal 5 laia khumin Golden Boot Award a dawng a nih kha. Tun season-ah pawh goal tamtak a khung theih ngei a rinawm.
Tun season-ah Premiere League golden boot a dawng thei a nih chuan Premiere League history-a Golden Boot dawng thei player upa ber ani thei dawn a ni.
Premiere League Golden Boot dawng thei upa ber chu Jamie Vardy ani a, kum 33 upa a nih lai 2019/20 season-ah khan a dawng a ni.
3. Manchesters United player atang season khata Champions League goal khung hnem ber record
Cristiano Ronaldo hi UEFA Champions league history-a UCL goal khung hnem ber a ni mek, goal 134 lai a khung. Season khata goal khung tam ber record holder ani bawk goal 17 lai a khung.
United lama a khelh lai 2007-08 khan United tan Champions League goal 8 a khung a, an champions nghe nghe.
Ruud van Nistelrooy khan 2001-02 season khan United tan Champions League goal 10 lai a khung a, 2002-03 season pawh khan goal 12 a khung leh bawk.
Manchester United tana Champions League season khata goal khung hnember chu Ruud Van Nistelrooy a ni a, C Ronaldo’an a khum dawn chuan goal 12 ai tam a khung ve a ngai dawn a ni.
2. Manager pahnih hnuaia Premiere League nomawi chawi thei Man Utd player hmasa ber record.
Sir Alex Ferguson hnuaiah a chawi tawh a, Ole Gunnar Solskjaer hnuaiah a chawi thei leh a nih chuan Manager pahnih hnuaia chwi thei hmasa ber ani ang.
1. Professional football player a goal 800 khung thei hmasa ber record
Source SL