Tun hnai laka an ban tak Ole Gunnar Solskjaer chu Manchester United star Cristiano Ronaldo chuan hnem vein atan thu a post.
Kan hriat angin nimin lawkah Manchester United lam chuan an manager Ole Gunnar Solskjaer chu an ban fel a, kum 48 a upa hian duh angin leh beisei angin club a chet that pui lo hle.
Kum 2018 khan Solskjaer chuan Jose Mourinho a thlak a, a thlak tirh kha chuan interim coach ang deuhin awm mahse, thla 3 chhung a chet that pui em avangin kum 2019 kumtir lam khan a nghetin an la lut ve ta a ni.
Manchester United in an manager Ole Gunnar Solskjaer an ban avangin Marcus Rashford leh Bruno Fernandes chuan an duhsakna an lo hlan tawh a, C Ronaldo pawhin a thianpa tan duhsakna thu a thawn ve a ni.
“Old Trafford lama ka luh hmasak ber lai khan ka striker a ni a, Manchester United lama ka kir leh hnuah chuan ka coach a ni tawh.” tiin Cristiano Ronaldo chuan Instagram lamah a post.
“Mahse, a tam zawkah Ole hi mi langsar, mi challang a ni. A kal leh zelna turah duhsakna sang ber ka hlan.”
“Good luck ka thian! sang taka awm hi i phu a ni.” tiin a thianpa leh coach ni bawk Ole chu a thlah.
Source SL