Tun summer transfer window-ah Cristiano Ronaldo chu Manchester United lamah deadline day hma lawkin a insawn a, tun summer transfer story pakhat a tling.
Kum 36 a upa C Ronaldo hi Man United elpui ber Manchester City lama lut tur anga sawi a ni a, mahse, C Ronaldo atanga City an inthiar fihlim hnuin Manchester United lama luh chu a thlang ta zawk a ni.
ROnaldo chuan Juventus mangtha in Old trafford lam a pan ta a, mahse, Italian club a chhuahsan chhan tak tak a sawifiah rih lova, Italian cub-ah hian kum 3 chhung teh meuh mai hun a hmang hman a ni.
Hetihlai hian UFC fighter Khabib Nurmagomedov leh C ROnado hi thiantha tak, inclose em em mai an ni a, Portuguese forward hian Juventus a chhuahsan chhan a sawi chu Italy lam boring ati niin a sawi.
“Mimal inbiakna hi ka sawi chhuak duh lova, mahse, Italy lam chu a ning hle niin min hrilh, hei vang hian England lama insawn chu a duh a ni.” tiin Khabib chuan Sport 24 a hrilh.
“Keipawh hi Italian football fan ka ni lova, mahse, English Premiere League fan ah pawh ka inlet chuang lovang. Team zawng zawng te hian show hmuhnawm tak an pholang thei vek a ni.” tiin a sawi bawk.
C Ronaldo leh Lional Messi khaikhin chungchang chu Khabib hnenah zawh a ni, ani chuan player ropui tak an nih ve ve thu a sawi a, mahse, Cristiano Ronaldo chu a thlang deuh zawk niin a lang.
“Cristiano Ronaldo hi kum 17 chhung teh meuh mai top-ah a awm tawh.” tiin a sawi.
“Kum 2004 daih tawh khan khan European Championship final a khel a, kum 2021-ah pawh goal ala khung cheu mai. Football-ah hian hetiang ti thei player hi an awm ngailo, Lionel Messi hi chu kum 12 vel chauh hun ala hmang a, Cristiano Ronaldo erawh kum 17 chhung teh meuh mai ropui takin hun a hmang tawh a ni.” tiin a sawi bawk.
Source SL