Germany 4-2 Portugal
Zanin Group F match khelah Germany chuan Portugal chu 4-2 lai maiin an hneh a, Euro 2020 last 16 luhna chance an la nei a ni.
Zanin inkhelhah Joachim Low naute an che tha hle a, minute 5 na velah Robin Gosens chuan Joshua Kimmich cross tha zet mai chu goal-ah khung mahse, Video Assistant Referee (VAR) a check a nih hnuin goal an pawmlo a ni.
Selecao lam hian goal an khung hme hle a, counter attack atangin Diogo Jota chuan Cristiano Ronaldo chu tha zetin a pass a, minutes 15 naah goal an khung nghal a ni. Ti hian Cristiano Ronaldo hian Die Mannschaft lakah a vawikhatna tan goal a khung a, Euro bikah goal 12 a khungna a ni bawk.
Portugal lam hian defensive in khel mahse, Jota’an goal a khung atanga minute 10 naah Ruben Dias chuan an lamah goal a khung lut, hetah hian a hmaah Kai Havertz a awm a ni.
Ruben Dias’an an lama goal a khung palh atanga minute 6 na velah Joshua Kimmich cross tha zet mai chu Portugal defender Raphael Guerreiro chuan an lamah a ti lut leh a ni.
Portugal coach Fernando Santos chuan half time ah Bernardo Silva la chhuakin Renato Sanches a luh tir a, mahse, Die Mannschaft lam an dang thei tak tak chuang lo. Minute 51 naah Gosens cross tha zet mai chu Kai Havertz bawkin goal-ah a khung leh.
Minute 60 naah Joshua Kimmich cross tha zet mai, Gosens bawkin a ti goal leh a, hetihlai hian 4-1 in hma an hruai. Minut 67 naah Jota chuan Cristiano Ronaldo siam tha tak hmangin goal ah a khung, mahse, Portugal lam hian Germany goal khung an sut thei lova, hun a tawp meuh chuan 4-2 in Germany lamin hnehna an chang a ni.
Euro 2020 Group of death an tih mai Group F ah hian France in hma an hruai mek a, pahnihnaah Germany awmin Portugal in an dawt. An vaiin Last 16 la lut thei vek anni.