Nizan Portugal leh France khelhah khan Cristiano Ronaldo chu supporter thenkhat thinrimin an vawm a, hetah hian Coca Cola bottle pakhat pawh a tel. C Ronaldo’an goal a celebrate lai khan an vawm a ni.
Ram lian pahnih hian Group F match hnuhnung ber Budapest, Hungary ah an khel a, Goal 4 lut atanga goal 3 chu penalty hmanga pet goal a ni.
Cristiano Ronaldo chuan minute 31 naah penalty spot atangin goal a khung a, mahse, first half extra time ah Karim Benzema chuan France tan penalty hmang bawkin goal a khung ve leh.
Didier Deschamp nau te hian hma an hruai hmasa leh a, second half an tan hnu rei vak lovah Paul Pogba through ball tha zet mai chu Benzama chuan a vawi 2 na atan goal ah a chan tir leh. mahse, minutes 15 hnu velah Portugal lamin penalty hlawhchhuak lehin C Ronaldo chuan goal-ah a chan tir ve leh a ni. Huntawp thlengin goal dang a luh belh tawh lova, 2-2 in an indraw a ni.
Cristiano Ronaldo’an a goal 2 na a celebrate lai khan fans thinrim thenkhatin bottle pahnih leh no in an vawm a ni, hetah hian Coca cola bottle pawh amah lama rawn thlawk a tel bawk.
He thil thlen chhan nia lang chu press conference neihnaah C Ronaldo chuan a hma Coke bottle awm pahnih chu sawnin, tui in thatna fiamthu ang rengin a sawi a nih kha. Hei vang hian fan thinrim thenkhatin an vawm ta niin report in a tarlang.
Engpawhnise, a hnuaiah hian thlalak thenkhat ka rawn tarlang e.
READ MORE: Premiere League lama kir leh tur anga sawi, Luis Suarez a tawng chhuak
Atletico Madrid leh Uruguay star Luis Suarez chu Premiere League lama kir leh tur angin sawi a tam hle a, hemi chungchangah amah ngei a tawngchhuak.
Liverpool-ah khan kum 3 chhung Suarez hian hun a hmang hman a, kha tih lai khan Europe attacker tha ber pakhatah a inchhuah a ni. Reds tan match 133 a inlan atangin goal 83 a khung.
Suarez established himself as one of Europe’s best attackers during a three-year spell with Liverpool, registering 82 goals in 133 appearances for the Reds.
“England-ah hian Liverpool tih loh team dang tana khelh chu a harsa hle ang.” tiin Luis Suarez chuan World Soccer magazine a hrilh.
“Liverpool fan te nena kan relationship hi a la tha viau a, a that reng pawh ka beisei, Premiere League club dang tana khelh chu ka tan a tha dawn lo hle.”
“Liverpool nena League nomawi chawi chu thil special tak a nih ka ring, mahse, tunah chuan hunrei tak an lo nghah ve tawhna chu a hlawhtling tawh a ni, hei hian min ti lawm hle”
“Season tamtak chu Liverpool team te an tha thei hle, chet that loh chang nei mahse, an rawn kir leh thin.” tiin Luis Suarez chuan a sawi bawk.
2020/21 season khelh zawh takah khan Suarez hian La Liga match 32 a khelh atangin goal 21 lai a khung tling a, 2013/14 season hnuah a vawi khatna atan Atletico Madrid chuan La Liga nomawi an chawi a ni.
Source Sl