Real Madrid superstar hlui Cristiano Ronaldo chuan career goals 777 a khung tawh atangin a duh ber a thlang.
Goal khung lamah Los Blancos leh Manchester United attacker hlui C Ronaldo aia tha hi an awm tam lo hle. Ronaldo hian vawiin ni thlengin career goal 777 lai mai a khung tawh a, Football history ah amah aia goal khung hnem footballer dang an awm lo.
Tun hnaia interview an neih naah kum 36 a upa C Ronaldo hnenah a goal khung zinga a duh ber zawh a ni a, C Ronaldo chuan kum 2018 a UEFA Champions League final Juventus nen an khelh tuma a bicycle-kick hmanga goal mawi tak a khung kha a duh ber a nih thu a sawi.
“In hriat angin, ka career-ah goal 777 lai mai ka khung tawh.” tiin C Ronaldo chuan a sawi niin Daily Mirror in an tarlang.
“Vanduaina a thleng teuh hle, mahse, a thleng lo. Ka Goal duh ber chu tuna ka team Juventus FC laka ka khung kha a ni, ka thian tha ber Gianluigi Buffon a keeper nghe nghe.”
“Kha goal khan ka career goal ka khung tawh zawng zangah ka duh ber a la ni.” tiin C Ronaldo chuan a sawi.
Source SL
Read More (Everton boss thar tur Liverpool legend?)
A lan danah chuan Everton (Toffees) lam hian boss thar an zawng mek a, The Athletic tarlan dan chuan Liverpool legend Steven Gerrard leh Liverpool manager hlui Rafael Benitez chu Everton boss thar tura rinkai ber an ni mek.
England captain hlui Steven Gerrard hian season liamta khan Rangers chu Scottist title a lak pui a, season khat chhungin thil chhinchhiah tlak tak pakhat unbeaten run a neih pui a ni.
June 2018 atang tawh khan Liverpool icon Steven Gerrard hi Anfield lama kir leh tur anga sawi alo ni thin tawh.
Tunah hian Everton manager thar an mamawhna a sang hle, Carlo Ancelotti thlaktu tur an zawn vat a ngaih hmel.
Everton manager Ancelotti thlaktu tura rinkai zingah hian David Moyes, Paulo Fonseca, Erik ten Hag leh Roberto Martinez te an langsar hle a, tuna hian Steven Gerrard leh Rafael Martinez an lang thar ve leh a ni.
Legendary Italian manager Carlo Ancelotti hian Premiere League season liamta tan tirh vel khan Everton a chet that pui ang reng hle. Mahse, season a tawp meuh chuan an dinhmun a tha lemlo. Points 59 hmuin table-ah 10 na dinhmun an hauh a ni.
Everton lamin Ancelotti chhuah an phalsak chungchangah lawmthu a sawi.
“Everton FC, ka players, tantuten club ropui tak enkawl thei tura huntha min pek theih avangin an chungchangah lawmthu ka sawi duh. Chhuah ka tum a, Real Madrid-ah hian chona thar ka hmachhawn dawn a ni. Real Madrid hi englai pawhin ka rilru-ah a awm reng thin.” tiin Carlo Ancelotti chuan a sawi.