C Ronaldo’an a fapa kum 11 a upa chu mobile phone a khawih tam tir duh lo

Cristiano Ronaldo cuan a fapa kum 11 a upa Cristiano Jr chu mobile neih tir a duh rih lova, technology hi a rilru kaptu a nih a hlau a ni.

Cristiano Jr, hi tunah hian Manchester United Youth team tan a khel mek a, a pa hnungzui thei tura rinkai ber pakhat ala ni mek.

Cristiano Ronaldo fa upa ber Cristiano Jr, hian apa hnenah phone a ngen zing hle a, mahse, kum 36 a upa C Ronaldo erawh chuan a hman tir duh lo

Kan hriat angin Ballon d’Or vawi 5 lai dawng tawhtu C Ronaldo leh a chhung te chu chu Al Wasl Plaza, Dubai lamah an zin a, Globe Soccer’s Top Scorer of All Time award a dawng bawk.

“Hei hian min pui tak zet a, heta mipui awm te leh hmun danga awm te pawhin min puih nasa, hei hi remchangah kan la tur a ni a, mahse, kan rilru kaptu erawh a ni tur a ni lo.” tiin C Ronaldo’an Globe Soccer Top Scorer of All Time Award dawn chungchangah a sawi niin Daily Mail in a tarlang.

“Entirnan, impression tlem ka pe ang che u. Ka fapa upa ber hi kum 12 a tling hnai tawh, englai pawhin ‘Ka pa phone ka nei thei ang em, phone ka nei thei ang em’ tiin min zawt ziah.

“Kei chuan Cristiano hnenah, hun ila ngah lutuk” tiin ka sawi.

“Tunlai thangthar te hi ka hre chiang em em a, an hmaah hian thil tamtak inchhawp a awm a, hei hi advntage-a lak tur tih chu ka pawmpui thlap, mahse, technology hi kan rilu kaptu ber a ni tur a ni lo,”

“Anmahni chu hman tir thin la, mahse hunbi neiin khawih tir rawh. Englai pawhin pe suh ang che.” tiin a sawi.

Source SB

Related Posts

error: Content is protected !!