Manchester United superstar Cristiano Ronaldo hi khawvel footballer tha ber pakhat a ni. Thla leh khian kum 37 a tling dawn a, a kum tam tawh mahse, hniam lam ala pan tak tak thei rih lo niin a lang. Summer transfer hnuhnung berah khan Premiere League lamah insawnin, ani ang kum-ah hi chuan player tam tak ten football an chawlhsan a nih loh chuan, league te nau deuhah an lut tawh thin a ni.
Ballon d’Or vawi 5 dawng tawhtu C Ronaldo hian fitness a ngai pawimawh hle a. Mahse, football khawvelah kan hmu lo thuai dawn a, tun atanga kum 2 kum 3 velah chuan kan hmu tawh lo maithei.
Tunah hian Manchester United-ah khel mekin, a career a hman tawpna tur club rinkai 5 te kan rawn tarlang ve leh dawn a ni.
5 Juventus
Cristiano Ronaldo hi Juventus tan kum 2018 atanga 2021 chhung khan alo khel a. Season thum a awm chhungin all competion ah match 134 inlanin, goal 101 a khung mai bakah assists vawi 22 a nei tling hman. Hei mai bakah Serie A titles 2, Coppa Italia 1 leh Italian Super Cups nomawi 2 a chawi pui bawk.
Mahse, Juventus tana UEFA CHampions League nomawi chawipui a tumna chu ti hlawhtling thei lovin, nikum khan Manchester United lamah a insawn leh ta a ni.
A tum ber a tih hlawhtlin loh avangin, C Ronaldo hi Juventus lamah kir leh a tum nia sawi a awm nual a, a kir leh a nih chuan a career tawp thleng a awm ringtu an awm ve bawk.
4 Real Madrid
Real Madrid lamah Cristiano Ronaldo hian a career bikah hlawhtlinna a chan tam berna a ni a. C Ronaldo chungchang sawi apiangin Real Madrdi hi sawi rik ziah a ngai tawh dawn a ni. Santiago Bernabeu lama hun a hman chhung khan all competion match 438 inlanin goal 450 a khung mai bakah assist vawi 132 lai a nei tling.
UEFA Champions League nomawi 4, La Liga nomawi 2, Spanish Cups 2 leh nomawi dang pawh a chawi pui nual a. Mi tamtakin Real Madrid atang Football a chawlhsan an ring a ni.
3 Paris Saint-Germain
Paris Saint-Germain (PSG) pawh hi Cristiano Ronaldo’an Football a chawlhsanna tur club zingah a tel ve a ni.
Paris Saint-Germain-ah hian kum tlemte liamta atang khan khawvel superstar lian te khelh tamna a ni a. Summer transfer hnuhnung berah pawh khan Lionel Messi, Sergio Ramos leh Gianluigi Donnarumma te a rualin an la lut a ni. Cristiano Ronaldo an la lut a nih pawhin a mak hran lovang.
Hei mai bakah Lionel Messi nen team pakhat tana an khelh theihna hun tha tak a ni thei dawn bawk.
2 Manchester United
Summer transfer hnuhnung berah khan Juventus atang Manchester United a zawm a. Old Trafford tan kum 2 daih contract a sign a ni. A contract neih a hmang zo dawn a nih chuan 2022-23 season thleng a awm a ngai dawn a, football a chawlhsan thleng a awm thei dawn niin a lang bawk.
1 Sporting Lisbon
Mi tamtakin Manchester United a chhuahsan hunah Sporting Lisbon a pan an ring a, a pan a nih chuan a career tawp thleng a awm a rinawm.
Sporting president Frederico Varandes’an Sic Noticias a hrilh dan chuan, “Engtikniah emaw Cristiano Roanldo hi hetah hian a khelh ka ring a ni.” tiin a sawi ve bawk.
Source SL