Manchester United star Cristiano Ronaldo chu January transfer window lo awm turah Real Madrid nen sawi zawm a ni.
Summer transfer window inhawn lai khan Cristiano Ronaldo hian Juventus atang Red Devils hi a zawm chauhva, mahse, tun season khelh mekah Manchester United lam hi duh angin an che tha lem lo.
Football Insider leh The Sun in an tarlan dan chuan Spanish club lian Real Madrid hian January transfer window-ah C Ronaldo chu Santiago Bernabeu lamah an la lut leh mai thei niin an tarlang. Spanish club lian Real Madrid lamah hian kum 8 chhung teh meuh mai hun alo hmang tawh a ni.
Manchester United interim manager Ralf Rangnick pawhin C ROnaldo hi thla leh khian chhuahtir a rem ti maithei niin an sawi bawk.
Kan hriat angin Ralf Rangnick game khelh duh dan leh RB Leipzig lam pawha alo tih thin angin chakna tam tak nena nawr a uar hle a, C Ronaldo erawh a player duh ang type a ni lo niin alang.
Real Madrid leh Cristiano Ronaldo hi sawi zawm angin Football Insider lamin tarlang mahse, Manchester United interim boss Ralf Rangnick chuan Crystal Palace an hmachhawn hnuah C Ronaldo a fak ang reng a, Strikers pahnih hmanga khelh an duh thu a sawi a, a bik takin central position a striker pahnih a hman duh thu a sawi ve bawk.
Tun season khelh mekah Cristiano Ronaldo hi Man Utd tan all compettion ah top scorer a ni mek, match 18 a khelh tawh atang goal 13 lai a khung tawh a ni. Manchester United hian chhuah an phal ang em le?
Source SL