C Ronaldo hnena atanga Phone Call ka dawn kha ka theinghilh leh tawh ngai lovang – Rafael

Kum 2008 summer transfer lai khan Cristiano Ronaldo chuan Brazilian international hlui Rafael chu Manchester United zawm turin a sawm a. Rafael chuan C Ronaldo’an phone call hmanga a thlem thu a sawi chhuak.

Rafael’an UTC Podcast a hrilh danin:

“Ka phone-ah a call a, kha thil kha ka theinghilh tawh ngai lovang. Kha tih lai khan ka phone hian international phone call a dawng ngai lova, tunge ni ta ang le? tiin ka sawi nghe nghe. Hetiang call hi ka la dawng ngai lo. Ka chhang a, amah chu ka hria a chhan chu a hmain, amah nen chuan kan trained dun tawh.”

“Portugese aw phawi deuh hian, bus lamah ka tlan phei tih a sawi a, Ronaldo, Ronaldo ka ni e. tiin a sawi.”

Rafael sawi dan chuan C Ronaldo nen hian an inbe rei vak lova, a chhan chu kha tia an inbiak lai vel khan Manchester-ah ruah a sur niin a sawi. Mahse, Cristiano Ronaldo hian Rafael chu Man Utd zawm turin a duh hle tih a chiang a, message hmang pawhin a thawn bawk.

“I hriat angin Manchester United ah ruah a sur, ka rawn call chhan che chu Manchester United tan sign rawh. Manchester United tan i sign duh tih ka hria.” tiin a sawi. Rafael chuan mak a tih thu leh a rin theih loh thu a sawi a ni.

Cristiano Ronaldo call ang ngei chuan, Rafael chuan Fluminense chhuahsanin, kum 2008 January ni 8 khan Manchester United a zawm ta a ni. Old trafford lamah khan kum 7 chhung teh meuh mai hun a hmang a, all competion ah Man utd tan match 170 lai maiah inlanin, goal 5 a khung mai bakah assist vawi 15 a nei tling a ni.

Old Trafford lama hun a hman chhung khan trophies pawh a chawi pui hnem a, Premiere League nomawi 3, Carling Cups 2 leh Comminity Shields 3 a chawi pui a, kum 2015 khan Olympic Lyon lamah a insawn ta a ni.

Source SK

Related Posts

error: Content is protected !!