C Ronaldo chungah Mason Greenwood a lawm lo

Mason Greenwood hi Ole Gunnar Solskjaer hnuaiah khan player pawimawh tak pakhat a ni a, mahse, Ralf Rangnick hnuaiah erawh a pawimawhna a tlahniam deuh niin alang.

Ralf Rangnick’an Man Utd a enkawl hnuah Cristiano Ronaldo hi a chhawr tam zawk a, Mason Greenwood erawh bench lamah hun a hmang tam zawk a ni. Hei vang hian C Ronaldo chungah Mason Greenwood hi a lungawi lohna a zual sawt niin report in a tarlang.

Man Utd in an manager atang Ole Gunner Solskjaer an ban hma khan kum 20 a upa Mason Greenwood hi United player pawimawh tak pakhat a ni. Mahse, Rangnick hnuaiah erawh player pawimawh zingah ala tel rih lo.

Manchester United in 1-1 a Young Boys an draw pui lai khan Greedwood hian goal a khung a, mahse Premiere League lamah erawh bench lam bak ala chang lo.

El Nacional in a tarlan dan chuan khelhna hun a neih tam loh avangin a thinrim niin an tarlang, Cristiano Ronaldo chu englai pawhin teamsheet ah a lang reng a, hei vang pawh hian a thinrim tel niin an sawi.

An sawi zel danin Man Utd dressing room lamah Ballon d’Or vawi 5 dawng tu C Ronaldo hian thil ti thei ber angin dressing room a control thin ni awm tak a ni, hemi chungchangah Greenwood hi a hlim lo hle niin an sawi bawk.

Greenwood hian Old Traford chhuahsan lam a rilruk deuh niin an sawi. A chhuahsan mai ringtu an thahnem hle.

Amah duhtu zingah hian Arsenal, FC Barcelona leh Juventus te an rawn lang nghal.

Ronaldo leh Greenwood kara thil thleng hi vawikhatna chauh a ni lova hman deuh pawh khan a thleng tawh a ni.

Liverpool laka 5-0 lai maia an tlawm tum khan Cristiano Ronaldo chuan thenkhat chuan dressing room lamah buaina anei, senior player te an hmer bik tiin alo sawi tawh a ni.

“Football chauh ka sawi tum a ni lova, kum 1995 hnu lama piang thangthar te zawng zawng ngaihdan hi a dang vek.”

“Nunah, football, harsatna hi nangma atanga chhuak tur a vek a ni. I thil pawm zawng a nih loh pawhin, i pawm a ngaih chang a awm ang.” tiin C Ronaldo chuan rawlthar player te alo zilh ve tawh.

Tuna Manchester United player thenkhatte hi chu kum 1995 hnu lama piang te anni hlawm a, Marcus Rashford, Amad Diallo, Diogo Dalot, Jadon Sancho, Aaron Wan Bisaka, Dean Henderson, Donny van de Beek leh Greenwood te hi 95 hnu lama piang te anni.

Eng thil nge thleng zel ta ang le.

Mirror Football

Related Posts

error: Content is protected !!