Tun hnai chanchintharah C Ronaldo bialnu Georgina Rodriguez-i a rai anga sawi a ni. Mahse, hemi chungchangah C Ronaldo leh a bialnu hian eng thu mah an la sawi lo. Tunah hian an chhungkuain Mallorca, Spain-ah holiday hmangin hun an hmang mek.
Portuguese football star Cristiano Ronaldo kum 36 upa chuan a fa panga na tur a nghak mek niin thuthang a awm. A partner Georgina Rodriguez-i kum 27 a upa chu a rai leh tawh niin an sawi.
Spanish media OkDiario tarlan dan chuan Georgina Rodriguez unaunu kum 31 a upa rai tih chungchang Instagram lamah a post a, Georgina’in suit var a hakna thlalak a post a, a pum zawn velah heart emoji a dah niin an tarlang. Mahse, he thlalak hi tunah chuan a delete leh tawh niin an sawi bawk.
C Ronaldo hian fa 4 Cristiano Jr, phir Eva leh Mateo (anni hi nu dang atanga piang anni) leh Rodriguez-i nena an fa Alana Martina te a nei tawh a ni.
News hnuhnung bera lang Rodriguez-i a rai tih chungchangah eng thu mah an la sawi lova, tunah hian Mallorca, Spain-ah chawlh an hmang mek.
European Championships atanga Portugal an tlak hnuah chawlh hmang anni a, a hmain Ronaldo bialnu Rodriguez-i chuan fa dang neih belh leh a duh thu a sawi tawh a nih kha.future.
C Ronaldo leh a bialnu Georgina Rodriguez-i thlalak thenkhat
Source Mid day