Kan hriat angin Nizan Man Utd leh Crystal Palace te khelh tum khan Casemiro chuan Will Hughes chu a rek a, hemi chungchangah Gabriel Agbonlahor chuan Casemiro chu a thil tih avangin man ngei ngei tur anih thu a sawi chhuak.
Summer transfer lai khan Manchester United chuan Real Madrid atangin Casemiro hi an la lut a, an la lut fuh ang reng hle. Erik ten Hag midfield ti phusuitu pakhat a ni. Amaherawhchu, Crystal Palace an hma chhun tum second half-ah red card a hmu hlauh mai.
VAR check anih hnuah Casemiro’an Hughes a reh avangin Craig Pawson chuan straight red card a pe nghal a ni. Kha tia red card pek anih lai khan Casemiro pawhin mak a ti ve hle anih kha.
Gabriel Agbonlahor chuan Casemiro chu Man Utd lamin an dicipline tha tak nei turin an khuahkhirh deuh a ngai tiin TalkSport ah a sawi a, a chet dan chu UFC chet dan ang mai a ni tiin a sawi bawk.
‘Casemiro khan UFC star Brock Lesnar emaw a inti’ tiin Albonlhor chuan a sawi.
‘Will Hughes che thei lova a siam avang khan man (arrest) ngei hi a phu. Nakin zelah he match hi naupang ten an la en ve zel thei a, an tumpui te laka Casemiro chet dan mak danglam tak hi an la hmu ve zel dawn a ni.”
‘Hei hi America-a Ice hockey khel anni lova, hei hi football a ni, hetiang thil hi kan hmu duhlo. Casemiro hi Manchester United lamin an dicipline tha tak nei turin an khuahkhirh a ngai.” tiin a sawi bawk.
Source DM