UEFA Champions League final Chelsea nen an khelh tur chungchangah Manchester City manager Pep Guardiola chuan thu sawiin, season thar lo awm tura a awm zel dan tur a sawi chhuak.
Kan hriat angin naktuk zanah khian Portugal-ah UEFA Champions League final Chelsea leh Manchester City an khel dawn a, Pep Guardiola hian tun season-ah Premiere League nomawi leh Carabao Cup nomawi a chawi der tawh, pathumna tur hi chawi thei tak ang maw?
Naktuk zana Chelsea nen an khelh tur chungchangah topic hrang hrang a sawi a, hetah hian a hmalam hun tur chungchang pawh a sawi tel.
“Manchester City-ah hian ka la cham ang, ka chiang a ni, naktukah hian eng thil pawh thleng se, City ah hian ka la awm dawn a ni” tiin Man City manager Pep Guardiola chuan press conference-ah a sawi niin Fabrizio Romano chuan a sawi.
“Hnehna kan chang emaw, kan chang lo anih pawhin, hei hian ka hmalam hun tur hi a thlak danglam lovang.” tiin a sawi bawk.
Kum 2016 khan Pep Guardiola hian German club lian Bayern Munich chhuahsanin Citizens hi a zawm a ni. Barcelona a chhuahsan hnu kum lawk kum 2013 khan Bayern Munich a zawm a ni.
Pep Guardiola hian a managerial career-ah hian trophies 31 lai a chawi tling tawh a, Football history-ah manager trophy chawi hnem zual pathumnaah a awm a ni.
Source SL